昨晚太攰, 10點已上床睡覺, 一覺到天光, 又要出發啦!

先做兩本當地雜誌訪問, 啲記者好Nice, 好開心咁完成。

遇見前輩雷安娜姐姐, 佢在溫哥華主持電視節目, 佢Keep 得非常好, 生活一定很開心健康。

下午到The Centre綵排晚上的聚會, 剛到埗的天華加入,令氣氛更加熱鬧好玩。

晚上8:00開始活動, 全場1900個坐位爆滿, 氣氛非常熱烈。我們人施展渾身解數, 令大家好開心咁過咗一個晚上。

好多謝溫哥華Fairchild 的同事協助, 包括Vivien、Tony及台前幕後的工作人員, 你們體貼的安排, 令我們非常安心, 多謝晒!

明天一早飛去Calgary, 睡覺去!