琴日出席o左和味濃情o既宣傳活動,

令我諗番起好多拍呢套劇時o係日本o既開心o野,

o係日本o既時候,每一次食午飯或者晚飯o既時候都好有驚喜,

因為o係香港o既時候我地大多數係食飯盒,

但o黎到日本我地食o既就係日本定食!!真係好開心呀!!

有一次工作人員仲帶o左我地去一間大家各自坐o係一個獨立空間o既拉麵店..好似係圖書館溫書咁~

好得意..o係劇入面仲去o左更加多唔同o既地方添,

大家記住留意啦!!

相信大家已經知道我o既Special guest就係Vanness吳建豪啦!!

正因為我o既生日o係工作中度過,所以我就o係上個星期六同埋我o既fans一齊補祝生日,雖然我當日真係好唔舒服,但我真係唔想令大家失望,同埋,因為我就o黎要開劇,見到大家o既機會就可能會少d,所以我就堅持出席生日會,而我亦好開心見到好多fans出席呢!!真係好多謝大家出席呢個生日會,你地真係為我帶o黎好多歡樂!!希望之後可以o係唔同聚會中同大家見面啦!!

今年我o既生日好特別因為我去o左台灣過,當然我唔係去旅行而係去工作啦!!但係究竟我o係個度做咩呢??我就賣個關子先,繼續留意住我o既blog就會知架啦!!hehe但係可以話俾大家知呢項工作都係同我最愛o既跳舞有關,而生日個晚仲有個special guest同我慶祝添!!講住咁多先,大家繼續留意啦!!