最近除咗忙〈刑警〉外, 我仲有其他工作架!

喺監製 梁材遠 嘅 新時裝劇, 暫名〈安全第一〉裡面, 我真係做了 一個 芭蕾舞老師 ~ Miss Fung !!!

Katy 龔嘉欣, Angel 蔣家旻, 丁樂緦, Kirby 林秀怡 同 Wendy 都係我嘅學生!

雖然出現集數 可能只得兩三集, 但好開心嘅就係 依個角色有戲可演, 可以俾我發揮吓!

〈宮心計〉 ≠  攻心計

其實古今中外, 每一個有“多過一個人”嘅地方都係一個〈宮心計〉!
人, 天生就係要以群體形式去生活 ~ 喺依個社會裡面, 無人可以逃離到 要面對自己所屬〈宮心計〉 嘅現實!
人, 唯一可以揀嘅就係 當面對自己所屬〈宮心計〉時嘅心態 同 方式!

有人會選擇以“金鈴”嘅方式去生存: 為咗達到自己嘅目的, 爾虞我詐, 跟隨猜疑人心的遊戲規則! 一步一步咁令人變得狡詐陰險, 利慾薰心, 不擇手段, 埋沒良知 … …

亦有人會選擇以“三好”嘅心態去生存: 感恩圖報, 擇善固執, 堅守自己行事做人的宗旨「做好事, 說好話, 存好心」.

所以喺每一個〈宮心計〉裡面, 要生存唔一定需要“ 攻心計”, 只在乎自己嘅信念.

你地又會點去選擇呢?

好多人都話 娛樂圈 比任何一個圏子都較為複雜, 因為牽涉嘅嘢 除咗“利益”之外, 仲有“權力”同 “名氣”!

哈哈哈… …  依一點, 我先排做一個節目時真係親身體會到, 亦曾經哭過, 反覆咁問自己「點解有啲女仔可以為咗多幾秒, 只係多幾秒嘅出鏡機會, 唔顧朋友嘅情誼, 人與人之間嘅尊重, 向我鬆踭, 食我位 … … ???」亦為咗討好其他人, 失去晒自我, 過份地獻殷勤, (詳情唔講啦!) … … 一句講晒, 啲行為 嚇到我○晒嘴!!!

唔知道大家有無見過『宛蔚』幫一間 廚櫃 . 家電 公司 ~ 「德國寶」拍嘅廣告呢?!

• 光波萬能煮食鍋CKY-19M (隨機附送總值 $600 配件禮品及《美食世界》食譜連DVD)
• 可攜式電磁爐GIC-DF20BB (隨機附送總值 $455 不銹鋼五味邊爐鍋)
• 多層電蒸鍋 FST-H660
• 頭部按摩器 MH80

張相其實係我上次拍廣告嘅時候影落架!
依張相嘅感覺好清雅, 我好鐘意呀! 
☆★☆ happy happy!!! ☆★☆

我仲有好多 廣告花絮 搞笑相, 下次 post 出黎同大家分享呀!

( ﹋o﹌) ( ﹋o﹌) ( ﹋o﹌) ( ﹋o﹌) ( ﹋o﹌) ( ﹋o﹌)