休息一天!!!

由9月24號到噚日, 每日不停咁忙, 唔係『忙公』就係『忙私』… … 影想, 拍劇, 首映, 晚宴, 應酬 … … 連續忙咗咁多日, 噚日下午同 廣告商 傾完關於 展銷會 之後, 本應晚上參加一個 function, 但太累了! 終於頂唔住, 決定回家(香港嗰邊嘅屋企) 同好耐無見嘅『爸爸媽媽』安靜咁傾吓計, 食吓日本菜, 然後就瞓啦 Zzzz Zzzz

好掛住我張牀, 一瞓就瞓咗15個鐘!

起身後都唔願落地, 喺牀上面睇咗3個鐘頭書, 感覺超正! 不過好似瞓得過多, 個頭有少少痛… … 哈哈哈! 今日儲足精神, 聽日9:00就要開始努力返工, 又會一直忙到16號! 本來應承咗20號晚幫一個event彈琴, 不過依家咁都唔知練唔練得切? 唯有盡力啦!

噚日路經紅磡『觀音廟』, 好有衝動入去拜一拜! (之後同媽媽講起, 原來噚日係好日!) 順道求咗支事業簽, 解簽嘅師父話我今年好忙, 係努力年, 要不斷做 同 學多啲才藝, 仲話有貴人留意到我, 會俾機會我, 明年開始可以得到一點名聲!
不過佢千叮萬囑我要有 “防人之心”! 佢話由我個面相睇得出, 我對人太真誠, 重感情, 單純, 易信人 又 肯幫人, 完全唔識保護自己 … … 所以喺依個圈會 被人害, 俾好朋友傷我心! … … 無耐一笑!

總然之, 我『宛蔚』要開開心心, 努努力力, enjoy everyday!!!

post 返近期工作照:

ㄑ同 鈴木仁 影 Wedding Magazine〉有兩套晚裝, 好靚架!

〈劇集搜下留情〉 ~ 女警造型 + 泰拳學生!
拳拳都用盡力打, 腳腳都用盡力踢 … … 搞都腰酸背痛!
不過我地有形仔師傅 黃澤鋒, 袁偉豪, 呂熙 同 羅仲謙, wah… … 拍劇拍到好夜嘅時候仲有 謙謙 送我返屋企 … … haha! (其實 謙謙 上年 四葉草 做我細佬架!)