〈宮心計〉 ≠  攻心計

其實古今中外, 每一個有“多過一個人”嘅地方都係一個〈宮心計〉!
人, 天生就係要以群體形式去生活 ~ 喺依個社會裡面, 無人可以逃離到 要面對自己所屬〈宮心計〉 嘅現實!
人, 唯一可以揀嘅就係 當面對自己所屬〈宮心計〉時嘅心態 同 方式!

有人會選擇以“金鈴”嘅方式去生存: 為咗達到自己嘅目的, 爾虞我詐, 跟隨猜疑人心的遊戲規則! 一步一步咁令人變得狡詐陰險, 利慾薰心, 不擇手段, 埋沒良知 … …

亦有人會選擇以“三好”嘅心態去生存: 感恩圖報, 擇善固執, 堅守自己行事做人的宗旨「做好事, 說好話, 存好心」.

所以喺每一個〈宮心計〉裡面, 要生存唔一定需要“ 攻心計”, 只在乎自己嘅信念.

你地又會點去選擇呢?

好多人都話 娛樂圈 比任何一個圏子都較為複雜, 因為牽涉嘅嘢 除咗“利益”之外, 仲有“權力”同 “名氣”!

哈哈哈… …  依一點, 我先排做一個節目時真係親身體會到, 亦曾經哭過, 反覆咁問自己「點解有啲女仔可以為咗多幾秒, 只係多幾秒嘅出鏡機會, 唔顧朋友嘅情誼, 人與人之間嘅尊重, 向我鬆踭, 食我位 … … ???」亦為咗討好其他人, 失去晒自我, 過份地獻殷勤, (詳情唔講啦!) … … 一句講晒, 啲行為 嚇到我○晒嘴!!!