11月13號, 上星期五, 日系時裝店 「JFT」嘅青春線 「 JF81」 尖沙咀 ‘活方’新店soft opening! 恭喜恭喜!!!

我「宛蔚」calinda 同一班 TVB青春女藝員, 包括 周麗欣 doris, 麥皓兒 joey, 鄭瑩瑩 destiny, 黃瑩 cake, 阮兒 chole, 林婉霞 coffee, 孫慧雪, 謝珊珊, 黃欣 lena, 倫紫玄 nydia, 岺潔儀 zoey 都有出席!

場面好熱鬧呀 ~ 靚人, 靚衫, 靚鋪 ~ 超正! 室內裝修好有 日本涉谷109 FEEL, 入面啲 sales姐姐 又潮又型又好services, 「JF81」賣嘅 啲衫仲好特別, 搞到班女仔買衫買到癫咗, 幾個鐘都唔捨得走! 下次等我影啲我最鐘意嘅牌子同大家分享吓呀!

試業開幕禮上, 我地仲同周大福集團董事鄭志恒先生合照

相片: index.php?option=com_content&view=article&id=2027:tvbjf81-soft-opening-&catid=starnews&Itemid=354#

今期快週都有相, 不過我下次先再 POST 多啲相上黎!!!

20號會係 「jf81」grand opening, 到時我地全部都會出席, 場面應該會更熱鬧!

我已經揀咗條好型嘅 deep V 裙, haha ~ 好期待呀!

上個星期六, 天郎氣清, 我「宛蔚」同班女仔一齊 代表 〈TVB 美少女隊〉 出席咗一個慈善活動 ~ 千人詠春破紀錄!

成條星光大道啲人一齊打, 好壯觀!

雖然當日喺烈日當空下打咗兩個鐘詠春, 真係好累! 不過又好玩, 又有意義, 就當吸吓室外空氣啦!

仲要多謝一班支持我嘅朋友仔, 陪我地陪足全程, 又影咗好多相, 辛苦晒!

我打詠春型嗎?! 其實我都真係想做打女架!

同好姊妹 周麗欣 doris 同 麥皓兒 joey 一齊出 function, 最好玩!

仲有一班小朋友一齊破紀錄, 好可愛架 ~ 大家出左拳, 佢地會出右拳呀, 好好笑!

今日, 11月15號 係 媽咪 同 大妺 嘅生日!!! 同月同日 … … HAPPY BIRTHDAY!!!

祝 開開心心, 身體健康, 心想事成!

我最近一係忙住拍劇, 一係就要出 functions, 所以未有時間寫blog! ~ 請見諒!

其實「宛蔚」真係有好多 開心 同 唔開心 嘅野想同大家分享, 不過因為我唔識中文輸入法 又 唔太熟中文字, 寫每篇blog都要好多時間好用心, 所以唯有將想分享嘅事記住先, 留番下次多啲時間先寫!

天氣真係好凍, 大家要小心身體呀! kiss kiss !!!