edwin-birthday

如果大家仲記得，係上兩篇Blog同大家講過，我因為工作o關系，所以早前去到荷蘭、英國、美加登台。係荷蘭o既時候我影o左好多相，有o的都幾有趣o架！！

多倫多與荷蘭登台之旅可以講禍不單行，除 上次講o既多倫多雪災之外，o係英國轉機時，同樣因為大雪關係，要滯留英國機場，幸好演出單位最後幫我同工作人員o係英國搵到酒店，令到我 o地唔使o係機場過夜。雖然今次發生連續不幸事件，但亦有好好彩o既地方，好似我可以o係機場炸雞快餐店關門前，買到快餐，令到o係機場苦等多時o既我可以有一餐溫飽，品嚐到一餐我認為最好食o既快餐，哈哈！

除了多倫多登台之外，我仲o係荷蘭有公開活 ，由於當地剛剛播完《東關飄雨西關晴》，所以觀眾識得叫我o係劇中o既名，最搞笑係當我同觀眾傾偈時，有個婆婆竟然問我有冇去紅燈區參觀，嚇到我都唔知點答佢好。

難得o黎到荷籣，我乘機到處參觀。

估唔到荷蘭會有咁多華人，亦估唔到佢o地會識得我，仲o黎捧我場添！

唔少得o既簽名環節，成班觀眾好守秩序咁排隊搵我簽名。

自助美食，等我都試o下先。

荷蘭交通相當方便，搭電車就可以周圍參觀。

因為英國大雪關係，被逼滯留英國機場。