3月23日係我o既生日，o係生日o既前一日，我特別去到主題樂園慶祝，揀去o個度係因為我除o左做o野外，未試過o係樂園內玩，所以趁生日o既日子去玩返一日。樂園當中，我最鍾意玩o既機動遊戲係「Space Mountain」，我足足玩o左了五、六次咁多，卡車前中後坐位我都試勻，唔知係咪玩得太忘形，玩完我竟然整損中指，生日「見紅」，希望係一個好兆頭啦！哈哈！

生日去樂園有好多優惠，到任何地方都有卡通人物同自己影相，去餐廳食飯，又會有人送蛋糕同生日咭，一大班職員亦會跟我唱生日歌，到處感到愉快氣氛，現在經濟環境唔好，好多人心情亦會變差，可以忘憂地過一日，忘記所有煩惱係幾咁難得，所以有機會我都會同家人再去玩一次。

入到主題樂園，梗係要同主角米奇老鼠影相啦！

我唔怕玩機動遊戲，所以同一齊去玩o既fans玩o左好幾次過山車。

場內不少遊客都認得我，當中包括呢位小fans，佢媽咪仲叫我同佢合照。

帶立體眼鏡睇動感劇場，冇錯過任何一樣遊戲。

成班工作人員圍住我唱生日歌，氣氛極好。

 

除o左蛋糕，佢o地仲送一張生日咭畀我，上面寫滿祝福語。