哈！哈！呢排成日同帥哥一齊登台，繼早前同大佬嘉穎去順德，同Jason陳智燊去完澳門，最近又同另一高大帥哥馬國明去順德，為美容連鎖店剪綵。

呢間美容連鎖店構思好好，除o左可以做facial、spa之外，仲有salon，即係做完facial，仲可以去剪下或吹番個靚髮先走，idea好好，因為我平時做完facial、massage都會整到o的頭髮扁晒，走o既時候一係戴帽，一係自己吹番o的頭髮，所以有salon服務就真係好方便。另外，多謝主辦單位請我o地做嘉賓，仲專登買o左順德好出名o既雙皮奶畀我o地食，臨走前仲送o左盒崩砂畀我o地做手信添，好窩心哦！

做嘉賓少不得要唱歌，仲有一班熱情觀眾為我打氣。

臨走之前，我o地仲好鬼馬咁去大家張poster度影相，你睇馬明錫我……張海報呀！哈哈！

o個日台上有兩張我同馬國明o既大型poster，趁機同自己影o下相先！