大家見道相裡面o既地方，其實係我朋友o既農場，我o地今日就特別去o左佢
農場探佢隻馬。我朋友仲有一位生得好可愛o既孫女，佢孫女好鍾意幫隻馬梳尾。

我o地仲帶o左一o的紅蘿蔔同蘋果，我o地知道只要隻馬見道我o地手上o既食物就一定會走o黎我o地面前，因為佢最鍾意就係食紅蘿蔔同蘋果。今日真係非常美滿o既一天，又有溫暖o既陽光，係咁樣o既環境下同隻馬一齊散步真係好舒服！！

今日我一早就起身整理屋企啦，因為下午2:00鐘有一個Party，我請o左
10位朋友，雖然人唔多但係佢o地年齡o既幅度就好大，包括老中青
o既人都有，年齡由11至73歲。雖然係咁，但係絕對唔會影響我o地o既相處。我今日準備o左好多好多食物，有豬肉批、火腿、芝士、薯片，仲有好多甜品，有呀！！有Cheese Cake、Chocolate Brown、雪糕、薄荷朱古力等！！有咁多甜品，當然係為o左o的小朋友而準備，因為佢o地鍾意食呀嗎！！而我自己都好鍾意o的食物，因為全部都係我煮o既！！