|
|
|
選完休息左一段時間後,除左教下琴之外,今次又有一大新嘗試,就係拍左一個中秋宣傳片,好多搞笑野!要扮嫦娥,仲係一個反傳統的20世紀嫦娥,碎步行出黎,再扮趺月餅,依家電視出左街自己睇番都覺得好搞笑^^ 拍既過程成個氣氛都開心,好RELAX,唔洗拍時,我地好傻瓜,O係度扮太空人O係太空度行,行動慢,講野又慢,哈哈 個個工作人員都對我好好,好似有一個鏡頭要我拎住碟月餅扮趺,其實碟月餅都幾重下架,佢地好錫我,未開始拍時都幫我拎住,比我休息下,好多謝你地既照顧呀!! 拍完我地有一齊影左D相留念,但忘了留EMAIL交換番d相啊…..我email係iristse2003@hotmail.com呀!等你們的靚靚相啦!   Loading ...第一日，我地去左珠海海泉灣既神秘島主題樂園玩左三個驚險又刺激既機動遊戲，分別有E形戰車、兩個360度旋轉既過山車、仲有尖叫度到達一百既跳樓機。我平時好鍾意玩機動遊戲，但從來未玩過E形戰車。我覺得三個機動遊戲之中，跳樓機係最好玩既，因為佢同香港既跳樓機好唔同，香港既係慢慢上到最高，之後係最高等一段時間，同你玩下心理戰，嚇一嚇你先，之後再好快咁滑落去，但係珠海呢一個跳樓機，就係得一句are you ready？就以極速兩秒鐘好快咁上落，叫都未嚟得切就已經玩完啦！真係好好玩，玩到我標眼水。 第二日我地去左海洋溫泉中心，裡面有各式各樣既溫泉，有一個溫泉俾我印象最深刻，因為裡面飼養左一班魚仔，當你放隻腳落去既時候，佢會幫你食晒你隻腳d死皮，感覺會痕痕地，十分搞笑。 夜晚我地就會舉行旅遊大使選舉，我表演既係彈鋼琴，呢首歌係一套電影既主題曲，是由周杰倫主演的不能說的秘密，自從參選之後，今次係第二次有機會係廣大既觀眾面前再次表演彈鋼琴，真係感到好榮幸。係當晚我地會每人介紹一樣珠海既特產或者景點，我介紹既係淇奧島白石街，佢具有好重要既歷史義意，記載左中國近代史上，炎黃子孫第一次以血肉之驅抵抗入侵而取得勝利。係淇奧島居民抵抗入侵既事件入面，居民展現出不屈不撓既意志，仲有堅定不移既決心。係今次選舉入面，無論遇到幾大既困難同埋挑戰，我都會以淇奧島居民為榜樣，堅持到底，跨越障礙。 第三日亦都係行程既最後一日，我地去左棕櫚路，仲有珠海漁女象拍攝外景，仲有去左海泉灣golf練習場跟教練學下打golf，行程就完滿結束啦。 Loading ...           今次我地12位靚靚佳麗去左長隆水上樂園玩， 真係好開心啊！因為又係我至愛既水上活動。首先第一日，我地玩左大喇叭。點解叫大喇叭呢？因為佢係有一個好似喇叭形既設計，行左一條長樓梯之後，企係咁高望落去，開始心跳加速，好緊張呢！我地四個人坐係一個大水泡，先嚟一個接近90度既斜坡，再沖到喇叭既最高點，離心力一浪接一浪，又刺激又好玩！我地玩完一次又一次。 到夜晚我地就去睇長隆大馬戲，最精彩既節目係風火輪，佢地凌空做出好多高難道動作，仲有一幕係高台跳水，我唸有幾層樓咁高，少d膽量都做唔到。 第二日早上，我地起身set完頭化完妝之後，食左個豐富既早餐，就同一班可愛既小朋友o係兒童池玩水，佢地好cute好乖啊！我自己本身都好鍾意小朋友，一見到咁可愛既小朋友，都忍唔住要拖下佢地，抱下佢地，同佢地傾下計，個小朋友叫做小琳，初頭同佢講廣東話，佢好似無乜反應咁，試下同佢講普同話啦！原來佢係講普通話既，佢今年三歲幾，好乖好聽話，又有禮貌，同佢影相既時候，仲識得擺勝利手勢，幾醒目^^ 午飯後，我地就同香港先生玩遊戲，佢地先送我地一份見面禮，我既禮物就係一條毛巾。之後我地會考驗佢地既智力。我地女仔分開左4組，有d考佢地IQ題，有一組負責身家大起低，而我就同7號同8號係玩水上遊戲既時候扮驚，睇下佢地有乜反應。鍾意玩水上活動既我，真係一個大挑戰，因為要收拾興奮既心情扮驚。佢地見我地咁驚，都好有風度咁話睇住我地，講下笑話緩和一下氣氛，最後佢地知道真相後，用好無奈既表情講左一句：原來你地係扮既。場面十分搞笑！ Loading ... |
