接生驚魂
Fluffy懷孕了，家蔚帶牠去照超聲波，首次當婆婆的心情，緊張又謹慎，「睇下肚入面有幾多隻，有冇反轉，見到有四隻，仲反轉了，但都是健康的。我堅持要照超聲波，因為怕媽媽太弱唔夠力生，到時要知道仲有幾多隻在肚中。Fluffy最後都經過好多風浪才把BB生出來，還要開刀呢！當天是八號風球，我要車牠們去醫院，當時見到一隻瘀瘀黑黑的腳凸出來，好驚，以為BB死了！唔知道原來狗仔都是黑色，因為媽媽是紅色、爸爸是朱古力色，『無啦啦』走隻瘀黑色腳出來？Bernice廖碧兒都有打電話問我情況，她叫我自己拉，開刀會令Fuffly好辛苦，但我唔敢，又怕拉斷了BB的腳。去到醫院，好想跟埋醫生入去睇開刀，但唔畀，惟有在出面等，結果最後見到四隻健健康康的BB在紙皮箱度。」

由於Fluffy懷孕時，家蔚怕牠唔夠力生BB，所以餵牠飲鈣水，結果都被BB吸收了，四隻體型都比媽媽大。三隻哥哥我都分別送給了家人，只留下最細的妹妹，讓Fluffy容易照顧。Fluffy因為開刀，起初都唔知道自己當了媽媽，頭三天，由我每隔兩小時用奶樽餵奶給BB，當時仲要開劇。直到第四天，Fluffy堅持要自己餵奶，看到BB好似喪屍咁抓傷牠的個肚，都照餵，看到母愛好偉大，我真是喊了出來。Fluffy仲會要BB服從牠，一唔聽話就會咬住牠們的耳仔拖住行，就算哥哥們比牠大隻都照樣騎上去咬耳仔，但而家已經唔夠哥哥大力，只得囡囡Moffy先拖到，平時都唔見Fluffy會咁樣對Mocha，可能嫌老公好嗲好煩，唔鍾意。」

家中大哥
家蔚原本家中已養有一隻狗，是朋友的toy poodle（玩具貴婦狗）及Chihuahua（芝娃娃）所生的，名為8Ball（即是打桌球的黑柴波），「牠的耳仔飛起，好得意，我而家稱呼牠做Uncle，因為家中多了些小朋友，雖然牠們不是同屬一個家庭，但三隻狗都好黐牠的，Fluffy同Uncle平時好恩愛，可能體型大，有安全感。連Moffy也很喜歡8Ball，可能大家都是黑色，有同類的感覺。」

夫妻緣絕
兩夫妻的樣子分別最大就是眼睛，Mocha的眼像是戴了眼鏡似的，而Fluffy則是清澈的眼睛，和家蔚的眼神有點像樣，而夫婦二狗只得四名子女，「Mocha已經絕育了，由於我的叔叔有白色的teacup poodle，我希望Fluffy和牠配種，應該不會再生黑色的。」

親自理髮
到Fluffy同Mocha七至六個月大時，家蔚首次為牠們剃毛，可以令之後生出的毛更厚，剪裝更可愛。

茶杯貴婦
家蔚把初生的小狗放到茶杯內，小巧的小狗，真的名副其實的Teacup Poodle。

各有性格
三隻小狗同為Teacup Poodle，家蔚卻覺得不同顏色的牠們，擁有不同的特有性格。

紅色霸道王
Fluffy
「紅色的Poodle，特別是女仔，都會好精叻，同時又好霸道，鍾意爭寵，成日都好多嘢講。」

朱古力色嗲精
Mocha
「朱古力色性格比較戇直、很天真可愛活潑，沒有紅色的那麼精叻，但很嗲，常常黐住人。」

黑色愛理不理
Moffy
「黑色似是懵懵地，但其實牠知道道發生乜事，只是很多時都愛理不理，真是會型、cool一點。」