早前專程到吉隆玻為TVB8一個非常嶄新的節目做首集評審。節目名為《美少男美少女飈戰舞臺》，呢個節目主要發掘14至18歲有潛質、有才能的年青人，打造佢哋成為明日之星。連續11集的《美少男美少女飆戰舞台》張會有一連串的選拔和淘汰賽，從而篩選出12名精英進入「星營地」，由星級教練指導和培訓學員各樣的才能，從口才、歌藝、舞藝、演技，甚至化妝技巧和穿衣之道。所以大會就邀請咗人氣女歌手王苑之、名模楊崢及出爐金像獎最佳新演員兼TVB「飛躍進步女藝員」嘅我啦！其實有咁多嘢學我都好想參加呀！！但係……….. 算啦！參賽者雖然年紀輕輕，但係佢哋都天生充滿表演細胞，又唱又跳，我當然要露兩手啦！我跳咗一part芭蕾舞，都博得滿堂喝采嘅！！

[Show as slideshow]

 近來出席咗好多活動都相當益智，有早前嘅「扭計骰夏日狂熱派對」，現在又有「機械人運動員設計比賽」開幕禮。同樣都係對小朋友非常益智嘅活動！今次活動為配合奧運，亦加插咗運動元素係活動裏面，參賽者需要發揮創意，將設計意念柔合邏輯思維，設計出能夠有運動技能嘅機械人。現場重有好多位機械人運動員表演足球、體操、舉重及摔跤添呀！我都係第一次見到咁多機械人，真係大開眼界！我自問細個以經好「男仔頭」，除咗玩芭比公仔外都鐘意玩鐵甲人。我最想就係有個識跳舞嘅機械人可以陪我一齊排舞，最好就係識得做家務幫手分擔一吓就最好添啦！！

[Show as slideshow]

早前一口氣幫兩本女性雜誌做專訪，有「完全女人手冊」及「Fashion & Beauty」。所以我今次特別揀咗幾張相同大家分享！！

[Show as slideshow]