近日H1N1甲型流感肆虐，我亦一早作出最高度的戒備，除了是因為太太歐倩怡極之重視營養健康，「加上外母於廣華醫院的兒科工作，接觸過很多講出來嚇得死你的個案，聽後就知道，只要求他能健康成長去到某個歲數，已經好難。加上家中的衛生標準非常高，雖然我識得湊B，但太太都唔會畀我做，驚我的衛生達唔到她的標準，非常嚴謹！首先返到屋企第一時間一定要先洗手沖涼，我先可以掂到Brad，因為工作拍劇經常到荒山野嶺，就算衣服表面看上去乾淨，其實滿是沙塵。所以未沖涼我唔敢掂個仔，沖完涼先可以和他玩，但太太的要求實在太高，我達唔到標去餵奶。」雖然未能擔當餵奶的工作，但能夠看著兒子成長點滴，我已很安慰，我特別想分享Brad學爬的趣事：「他由唔識爬，到變成了『軍人爬法』，因為他的腳好懶，但對手就好夠力，所以只得兩手爬動，對腳就唔郁，直到現在腳開始有力識郁，好似狗仔周圍爬喇。有時成個人向後底，然後碌過去拿東西，現在識得坐著彎低腰拿東西，腰開始識得用力。雖然未學行，但我們已經訓練他找東西扶住企起身，更觀察到他識得自己拿東西，所以當他呀呀的手指指要拿甚麼，我們就會擺落地下，由得他自己去。」