e9bb8e-e5bf97e99bb21

好快就係《2009 TVB最受歡迎廣告頒獎典禮》，而我心目中最鍾意o既廣告又點少得男主角黎明，女主角叫阿May呢個手提電話網絡廣告，拍幾輯，好多經典對白！」
九十年代，第一代阿May由童愛玲飾演，廣告中黎明不乏經典對白，例如︰「有緣話我會再見。」、「要贏人先要贏自己。」等。

最近我返內地拍攝o左一套名為《所有夢想都開花》o既電影，內容講港商在內地開工廠，如何面對金融海嘯同與民工o既關係，戲中我就扮演一個接手爸爸o係內地工廠o既港商。雖然我之前去過內地拍電視劇，不過電影就係第一次，我覺得無論o係香港定係內地，只要好角色好劇本，我都會盡量嘗試，因為所得到o既任何機會同經歷都係寶貴。

戲中我最難忘係一場騎馬戲，本身我識騎馬，無奈今次同我做對手o既白馬唔聽話，只要一放韁繩，佢就會不停地跑圈，左右搖擺，務求令我跌落地為止，好彩最後可以拍晒所要o既鏡頭，我亦冇受傷，只不過o係馬背上，食o左唔少驚風散！

戲中講我好鍾意馬，所以辦公室都有好多馬o既擺設。

戲中我興趣多多，連樂器都有興趣。

除o左我之外，陳芷菁都有參與呢套內地電影。

呢排香港觀眾少o左見我，原因係我去o左內地接拍電影。

呢套戲p係內地屬於「傳放電影」，即係一o的專畀民工睇、勵志、有教育意義o既電影，而且呢套戲更參選o左內地一個名為「華表獎」o既頒獎典禮。

戲中指明騎白馬，而馬場內就只有呢隻白馬，所以我惟有同呢個「難搞對手」做戲！