lorretta28dec.flv

今集係《頑遊關西》o既最後一集，我o地會去和歌山，大家有機會可以見到和歌山最大o既天然溫泉，最特別係你仲可以掘一個完全屬於自己o既天然溫泉！！

拍攝當日因為天氣實在太冷，而且係戶外拍攝，所以我o地都著o左好特別o既衫，點解？因為我o地衫入面放o左好多暖包。你睇o下我o地放o左o的曖包係衫入面，如果唔係，我諗我o地未落溫泉就以經冷親啦！

掘呀！掘呀！其實我o地唔須要掘成個溫泉o既！因為o個到o既工作人員以經幫我o地掘好o左一個，如果我o地真係要自己掘，我諗至少都要8個鐘，都未必有得浸呀！！哈哈！！

你睇o下我o地玩得幾開心！

好靚o既瀑布，當地o既相信呢條瀑布係有靈性。

我要飲水！！

係我o地等緊火車，準備要去和歌山第二個地點o既時候，我o地見到一個好可愛o張阿B阿！！佢真係好得意o架！！

拍攝o既工作確實太忙，所以一上到火車sherman就訓o左啦，我就係佢肩頭扮訓，嘻嘻！

我o地去過睇日出。

亦出過睇日落。

我o地去o左一問餐廳係可以一邊打邊爐，一邊溫泉浸腳。

我o地仲會帶大家睇好多當地o既美食，大家想知就記得留意星期一晚o既《頑遊關西》啦！

係今次o既旅程真係好開心呀！可以一邊做o野，又可以一邊旅行，希望將來會再有機會拍旅遊節目啦！！I love it! Sayonara! hehehe

係今集我同鐘舒漫會同大家由大阪成玩到去和歌山。

大家唔好以為去大阪只係得Shopping呀，係大阪o既Shopping區裡面就有個展望台可以360度咁望晒成個大阪成景觀，仲足足有一百七十三米高呀!!

我o地仲去o左一座號稱世界最大o既室內溫泉，裡面有十幾個唔同主題浴池同埋唔同國家o既蒸浴!! Sooo relaxing!

Hehehe佢係Queeny係我o地公司同事！

呢到係裡面其中一個好特別o既桑拿，係用鹽焗o既！但係其實我係好怕熱，你睇o下我對腳，我都無放過落地下，真係好熱呀！！足足有66度呀！

去和歌山係要坐火車，而和歌山o既火車係好多唔同o既主題，我o地就揀o左士多啤o既主題火車。你睇下我o地成班工作人員幾開心。

和歌山係周圍都有好多楓葉！！

係和歌山上面有一個地方係可以租到平安時代o既衫，我o地就見到有一位當地人著住D衫去行山！

我o地仲有去過好多地方，你o地會見到有好傳統o既日本文化地方，仲有介紹大阪城邊到有好食o既地方啦！所以記得星期一睇《頑遊關西》 呀！