拍劇果陣為咗要投入角色，好多時都會諗返個人或身邊人嘅經歷。

喺舞台劇「再見理想Beyond」入面，我會同張繼聰同關智斌發展三角戀，令我不期然諗返初戀經歷。

同初戀男友分手果陣，當時我問佢分手原因，不過對方唔單止冇回應，而且仲望手錶話要夠鐘走，果一刻感覺真係好冷。

人嘅經歷越多，經過沉澱，再由演員演繹，就會成為舞台、劇集和電影上活靈活現嘅角色，大家睇得投入，就正正因為大家見到嘅都係現實生活嘅縮影。