剛剛忙完《古靈精探2》o既拍攝工作，等我爆小小料畀心急o既觀眾知啦！有名你叫，話明「古靈精」，梗係大搞花臣啦！
劇中自己為查案，一人分飾多角，警察、維修工人都係小兒科，最過癮係扮埋唐僧，想知道唐僧同查案有咩關係？老土o的講句，留意《古靈精探2》o既播出日期啦！
諗番起拍攝期間，同郭晉安、郭政鴻、郭羨妮、羅敏莊等人合作，令自己演技獲益良多；重識到一班好朋友，好似羅仲謙、胡定欣咁。每日嬉嬉哈哈o既日子，真係令人回味。

我反串扮唐僧，應該係靚女定型仔呢？

 

扮女警，我覺得自己好有型有神囉！

 

呢場戲講我查是緊一單凶案，我要同呢個假人做對手戲，想知詳情？留意《古靈精探2》o既播出日期啦！

 

同羅仲謙成為好朋友，佢之前都幫過TVB拍劇。

 

每個演員都要扮演唔同造型，過足戲癮。