記得劉嘉玲講過, 自己早已忘記了自己依家幾多歲, 總之生活開心愉快

就可以了. 我亦十分認同…..所以一直以來, 都冇將自己嘅年齡掛在嘴邊,

亦冇刻意去為自己嘅容貌進行整修工程.

不過當今年切生日蛋糕嘅時候, 忽然驚覺….原來自己不經不覺已經49歲了.

真的一點也不察覺, 歲月就慢慢咁喺我嘅掌心流走嘞……

我覺得今年真係好重要嘅, 因為過左今年, 我就會踏入50大關了.

我成日都覺得50歲係一個男人嘅人生嘅分水嶺, 過左呢條界線, 就真係踏入

中老年, 心身都會開始走下坡嘅.

49歲嘅話, 我仲可以同D靚仔一般見識, 我的身體仍然可以支撐一些消耗體能

嘅運動……

嘩, 愈想愈不捨得49歲嘅自己, 唔怪得知譚校長要催眠自己年年25歲啦.

為免自己嘅49歲會好容易咁虛度, 我打算要在今年多拍一套好戲,

所以答應華仔拍佢投資嘅電影, 亦希望拍一D好嘅電視劇, 我估我嘅心態,

一定係好似D女星咁, 想趁青春留倩影嘞……哈