|
||
 |
Copyright 2009 TVB.COM Limited. A Member of TVB Group. |
廣告查詢
‧
數碼新紀元
‧
TVB International 公司資料 Corporate Info ‧ 人才招聘 Jobs ‧ 查詢 Enquiry ‧ 常見問題 FAQ ‧ 服務條款 Terms Of Use |
- |
- |
- |
- |
姓名：鍾笑荷﹙李司棋飾﹚
年齡：約53歲
觀看李司棋的網誌
已經好夜喇，病房入面四圍都好靜，我估所有既病人都瞓咗覺，係得我呢個病人失眠。本來我叫自己唔好諗咁多，瞓一覺先啦，一切留待聽日先解決，但係我始終都瞓唔著，我忍唔住打開部手提電腦，寫低我既心情。講開呢部手提電腦，係中仔特登拎嚟俾我用既，個傻仔怕我喺病房悶，諗住借自己部電腦俾我上吓網，睇下新聞。我好慶幸，同中仔分開咗咁多年，喺佢心入面仲有我呢個荷媽，只可惜既係，我又要同佢分開，佢又要返番去嗰個陰毒女人嗰度！頭先阿爸嚟醫院探我，帶咗兩個壞消息嚟，佢話殷紅嗰個女人，同埋佘老太一齊，上門帶走咗中仔！更壞既消息係，話俾佘老太知中仔喺我地屋企既，係阿莎！我真係好心痛，點解我呢個細妹，為咗利益，可以傷害我地呢頭家？點解呀？我係佢家姐嚟架！我唯有安慰自己，蓮子蓉當年都係壞極，今日都可以變番好人，阿莎都可以既…不過要用幾耐時間呢？同埋改變一個人係咪真係咁易呢？一諗到呢度，我個心突然好酸，更加瞓唔到，我但求一夜安眠，究竟點樣先可以做到呢？
共57個回應
|
|
||
|
Copyright 2009 TVB.COM Limited. A Member of TVB Group. |
廣告查詢
‧
數碼新紀元
‧
TVB International 公司資料 Corporate Info ‧ 人才招聘 Jobs ‧ 查詢 Enquiry ‧ 常見問題 FAQ ‧ 服務條款 Terms Of Use |
bbbbbbb ……………………………………………………………………………………..
我都希望有好似荷妈咁嘅阿妈！！
如果我妈好似荷妈咁，识得体谅自己D仔女，或者我就唔会咁无助、咁彷徨。
我觉得这回陈豪和杨怡的造型挺棒的 很时尚也很漂亮
荷媽,sa姨一定好似伱冧嘎.佢一定會好似蓮子容咁變好嘎.荷媽,伱要加油吖.我支持伱.
荷妈支持你,你演得好好啊.希望你地再出第三第四“““更多嘎续集.
荷妈,你要加油啊!我真係唔明,点解跟同一个屋企度长大,个性会有咁大差异…简直就係两个极端…但係,荷妈你都唔使担心,正所谓”人之初,性本善”,我捻,在不久嘅将来,佢一定会醒觉.但是,你依+一定要跟暗中防住佢,因为”变坏容易,变好难”要察觉到自己做错佐都要一段时间噶,”防人之心不可无”也~我真係唔明,点解好人成日都多灾多难,俾D衰人害… 而且,呢D衰人仲係以前同你好亲近嘅人~~但是,正义永远都係企跟正义嘅一方個边嘎!你要坚持落去啊!!你要知道,你仲有”家,好,月,圆,庆,中”六个乖仔乖女同埋”于素秋”关心,支持你!干吧嗲!只要坚持,你一定会守住呢头家,就好似一个守护天使咁,一直…守护…哈哈~~讲到呢度,你明未?你依+以后一定要好好咁瞓觉,咁先至会有足够嘅精力去守护呢头家!你话係唔係?我相信,你一定可以嘎!
其实以SA姨呢种人，要比距自己跌低,自己爬起身先改变到距,因为距以自己既观念行,可以系话自私,距唔改,有两个原因,一个就系自己晤知个结果会系坏结果,天真感认为系好既,一个就系明知系死路,都要行,不过要改变距,要时间耐D,好欣赏你既品格,荷妈
你演繹荷媽這個角色真係演得好好，我每晚都會追看，每次看都超感動，每次都會喊，我喊係因為荷媽真係一位好媽媽，好女兒，好姐姐，每晚當我看荷媽喊的時候，我的媽媽都會話我「你個腦係唔係有問題，睇呢ｄ都係到喊。」我喊因為我很希望有一個荷媽的媽媽，我在兩年前發生左一件事，那件事令我屋企人對我的態度變的更惡劣（比兩年前更加差），你話「你唯有安慰自己，蓮子蓉當年都係壞極，今日都可以變番好人，阿莎都可以既…不過要用幾耐時間呢？同埋改變一個人係咪真係咁易呢？一諗到呢度，你個心突然好酸」，這個問題我都問過自己，我的答案就對方唔變，咁只好自己變，但係我無論怎變，我屋企人對我都係咁惡劣，然而在這兩年時間裡面我變得在同屋企人一齊時不會笑，不會喊，不會說太多話，完全不能表達自己．．．．．．所以就因為諗到自己咁唔開心，每次看到荷媽都會喊，所以荷媽你要加油，無論係戲劇還是在現實中都希望你可以做一位「好媽媽」。
只要荷媽你將所有擔心既事…
有壓力既事都放下黎..
咁你就會好快訓著..
仲可能會有個美夢添”
祝福你!!!
荷妈.叫你个细仔,啊中仔都开翻个blog喇,好想睇下距个blog呀.好想同距倾下计呀!