我為人人 » » 往事只可回味

姓名：鍾笑荷﹙李司棋飾﹚
年齡：約53歲

觀看李司棋的網誌

August 2008
S	M	T	W	T	F	S
« Jul		Sep »
	1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

最新回應

網誌日期: 2008-08-18

今日阿卡喺商場搞既活動好成功，不枉我同阿祖著晒鳳冠霞珮出台，出晒力氹台下既觀眾開心。我發現，呢幾年嚟可能講得爛gag多，訓練到自己有啲幽默感，都幾識氹人開心。原來荷媽除咗搓餅，上台講笑都得架！當然，我都要多謝我既好拍檔阿祖，無可否認，佢搞氣氛比我更出色。頭先阿莎不斷拉住我，話我同阿祖嗰份默契世間難求，叫我要掹番個老公返嚟！佢又話聽我地講以前送餅既事，聽到好感觸喎…哈，其實當年十號風球之下送餅去長洲，的確係我一生中最深刻既一幕，嗰陣橫風橫雨，我同阿祖入到去長洲，兩個被啲風吹到一仆一碌咁，但係互相扶持之下，都做得到。當日幾大既風雨我地都擋得住，但係我地既婚姻呢，就完全經唔起考驗…喺今晚既活動上面，有對人瑞夫婦做我地既嘉賓，個太太已經一百零六歲，個先生就一百零八歲，佢地係喺民國二年結婚，共步人生路，已經九十一個年頭。我望住佢地執住對方既手，我忍唔住諗，如果我同阿祖冇離婚，我地都踏入三十個年頭喇…

鍾笑荷，唔好再諗喇，有時候，人生只可以回味，唔可以回頭。

共42個回應