好耐之前，我陪阿爸去黃大仙睇相，個相士話我面口圓圓，係個宅心仁厚既人，不過亦因為心腸太好，註定一生都會被其他人欺負。當時我只係一笑置之，到咗今日，我開始相信，相由心生呢樣嘢。雖然我唔識睇相，不過我識睇人，特別係啲心腸唔好既人，我一眼就睇得穿。所以唔好問我點解堅決反對班仔女返去家好月圓度做，阿莎鬧我係武則天，西太后，獨裁獨權，阻住啲仔女發達。試問天下父母，如果有條光明大道，點會阻住啲仔女去行呢？殷紅呢個女人，叫佢地接管家好月圓，仲話分八成股份俾佢地，

阿莎睇嘢咁表面，當然舉腳贊成，但係我心水太清，呢個女人行既每一步都係棋，每一著都係傷害我頭家既棋！佢一定係耍緊啲手段，想分化我地頭家！佢係一隻凶猛既麻鷹，佢係嚟傷害我啲雞仔架！！

共58個回應