如果呢個世界上冇殷紅呢個女人，今晚就會係我企喺台上面，同阿祖一齊唱《甜蜜蜜》。如果呢個世界上冇殷紅呢個女人，我就可以著住婚紗上台，彌補當日因為冇錢，冇著婚紗影結婚相既遺憾。

如果呢個世界上冇殷紅呢個女人，阿爸就會安慰好多，唔駛為咗我呢段失敗既婚姻，偷偷地喊咗幾次。

如果呢個世界上冇殷紅呢個女人，我地頭家就少好多眼淚，我六個仔女就可以一直留喺我身邊。

如果呢個世界上冇殷紅呢個女人，咁呢十幾年嚟，我就唔會午夜夢迴，夢見佢同阿祖好幸福咁生活，個心痛到紮醒，兩行眼淚不受控咁流出嚟…

如果呢個世界上冇殷紅呢個女人，今晚，台上面著住禮服既阿祖，就會重新講一次，當年佢同我結婚既時候，講既一段說話：

無論疾病貧窮，我甘泰祖都會陪住鍾笑荷一齊搓餅，無論係老婆餅、老公餅、老爺餅、奶奶餅、阿婆餅、阿公餅…

共67個回應