返回家好月圓主頁
嘉美三大罪
網誌日期: 2008-09-09

本來我唔想去評論嘉美呢個女仔，佢始終係阿莎個女，大家點都叫做一場親戚，但係佢嘅所作所為真係好唔要得。

一不要得：屈人唔駛本

阿莎屈人嘅手段可以話係天下無敵，但係嘉美比佢更加「青出於藍」，一次又一次咁屈阿月，令到佢有冤無路訴。

二不要得：不念親情

一個人就算幾衰都好，只要佢仲念一點親情，咁佢都仲有得救，只可惜嘉美上唔識尊重長輩，下唔識疼愛子女。嘉美當年生Ronald仔可能係不情不願，但係呢個話晒都係自己骨肉，點可以咁忍心丟低佢係葡萄牙？嘉美份人太狠嘞，睇見佢連骨肉親情都唔念，我真係好心寒呀。

三不要得：耍小手段

嘉美為咗取代阿月上台，竟然大膽到夾埋阿莎做戲，話阿卡受重傷入咗醫院，呃走阿月。人仔細細就識得搞咁多手段，到佢年紀大咗，見識多咗，仲得掂嘅？

睇見阿卡終於肯同呢個女仔分手，我真係好欣慰。可能你會覺得我咁講好衰，但係有邊個媽媽係唔自私架？每個阿媽都希望自己嘅仔女好，唔希望佢同一啲唔好嘅人拍拖，我一直唔阻止阿卡，係因為我覺得做父母嘅就算幾擔心都好都唔應該左右仔女嘅決定，應該等佢哋自己決定要行嘅路。所以，當阿卡肯同嘉美分手，我真係鬆咗一口氣，我真係好希望自己個仔可以同一個好女仔一齊，而唔係一個……唉，算嘞，佢兩個都分咗手，我亦無謂再數落嘉美嘞。

共101個回應

頁: « 11 10 9 8 7 6 5 [4] 3 2 1 »

    Delpenie 留言於 2008-09-104:42 pm:

    Thank you so much

    TokyoJuliet 留言於 2008-09-103:54 pm:

    其實好似嘉美呢類型的女人係呢個世界上多得是，尤其係在職場上。手段多多，有D更加為這達到自己的目的，而不擇手段，甚至犧牲自己的身體，之後連同被他們迷暈的花心男人一起用心計來明同暗的陷害你。既然電視上的電視劇都反映了呢點，現實中的我們更要注意呢D卑鄙的毒女人。

    xiao_zong_may 留言於 2008-09-103:29 pm:

    不過，凡事都要小心嘉美唔喺咁容易應輸噶！
    準備又再向你再開戰！

    micmicnana 留言於 2008-09-102:26 pm:

    荷媽`
    我支持你 !!
    加油` 好中意睇你做戲ah` ^^

    studentpm 留言於 2008-09-102:23 pm:

    嘉美好賤,学牙sa
    牙sa又唔識教女
    唉

    816675 留言於 2008-09-101:59 pm:

    荷媽再鬧多D重好、嘉美個人、同真人一樣吐嚴

    lmtblue 留言於 2008-09-101:57 pm:

    嘉美太过虚伪，功利主义，阿卡如果继续跟她在一起，最后都会悲剧收场。两个人相爱如果都不能够坦诚，隐瞒那么多东西，哪有信任可言？最过分的是，嘉美很会耍手段，冤枉陷害阿月，小小年纪就那么狠毒，恐怖极了

    honeyseng 留言於 2008-09-101:41 pm:

    现在嘉美的丑陋的一面给荷妈揭开了,我希望到时,殷红也给人巴到一丝不苟.这样一来,就是家好月圆了!

    ktoro 留言於 2008-09-1012:40 pm:

    荷媽你好勁呀, 識穿嘉美d衰野!

    liuhuaiqing 留言於 2008-09-1012:05 pm:

    荷妈一出，谁与争锋？荷妈真系犀利，一出口就令嘉美两母子原形毕露！！！！真系功力深厚！！！

頁: « 11 10 9 8 7 6 5 [4] 3 2 1 »

如果你已經是tvb.com的會員，登入後便可在此留言。   還未註冊成為tvb.com的會員嗎？
現在立即火速行動！