有句俗語話養兒一百歲，長憂九十九，做人父母嘅，個個仔女都係自己嘅骨，自己嘅肉，邊有可能唔憂心先得架？我一共有六個仔女，所以我嘅擔心亦都係其他父母嘅六倍。阿卡呢個仔，以前就成日掛住渣沽，我呢個做阿媽嘅真係好擔心佢唔識得腳踏實地咁做人。好嘞，佢終於肯聽話，揸住勤力嘅宗旨嚟做人嘞，點知又勤力得滯，有心臟病都唔肯好好地抖下，你話點到我唔憂心吖？

管家仔就係最聽話嘅，不過命運就最鍾意同佢講笑，佢JO鮑同阿紅係夫妻，佢偏偏就要鍾意于素秋。雖然于素秋同佢冇血緣關係，但係始終都係兄妹。我咁開通，知道冇嘢緊要得過仔女開唔開心，當然唔會覺得有問題，但係其他人唔知會點諗。而且阿紅咁憎我哋呢家人，管家仔嘅情路會好難行。

阿月呢個女就最聽我話嘅。雖然佢唔係我親生，但係我真係當正佢係親生女架，不過有時我都會好自私咁希望佢係「外人」，因為佢係一個好好嘅女仔，而佢又鍾意阿卡，如果佢哋唔係兄妹就……我咁諗係咪好自私呢？不過有邊個阿媽唔自私架？係阿媽都希望啲仔女幸福快樂架啦！

夜嘞，今晚就寫到呢度先啦。聽日再寫埋另外嗰三個仔女。

共18個回應