http://blog.tvb.com/moonlight03 自求多褔 Sun, 21 Sep 2008 14:30:59 +0000 http://backend.userland.com/rss092 en 父母為仔女改名，如果唔係搵風水先生講，希望配合返仔女嘅命格，就通常都表達左父母對仔女嘅寄望。阿姐同阿祖希望將仔女改名做「家好月圓慶中秋」，就係希望一家人可以永遠喺埋一齊，永遠團圓。不過我發現除左團圓嘅意思，佢地嘅名又真係好似襯返個性格咁，好啱架！唔信你地睇睇： 甘永家：身為甘家嘅大仔，雖然佢好似吊兒郎當咁，但其實將「家」庭放喺第一位，為左細妹阿月，忍痛同嘉美分手。 甘永好：顧家、孝順、體貼、專一，唔駛講，「好」仔一個！ 甘皓月：攞女雖然成枝頂心杉咁頂住我，但其實呢個都係佢嘅優點：愛恨分明，擇善固執，好似一輪「皓月」咁。 甘永圓：「圓」，可以話係圓滑，亦都可以話係冇主見。 甘詠慶：善良聰慧，係全家嘅心肝寶貝。有佢，係甘家最值得「慶」賀嘅事。 甘永中：唔特別乖，唔特別壞；唔係聰明，亦都唔算蠢。就同佢個名一樣，「中」中庸庸。 我唔知道係佢地本身性格就係咁，定係佢地望住自己個名嚟做人，但我知道作為 一個阿媽，我改名係完全失敗！ 路嘉美：「嘉」，嘉許。「美」，美麗。一個只知道美麗會被嘉許嘅人，除左靚之外，應該一無是處。 本來，嘉美除左靚之外真係一無是處，不過今日佢終於醒覺嘞！佢竟然喺爆左嗰隻狐狸精害死甘老太太嘅事！嗰一刻，我真係好感動！ 證明人未必如其名嘅！ http://blog.tvb.com/moonlight03/2008/09/21/%e4%ba%ba%e5%a6%82%e5%85%b6%e5%90%8d%ef%bc%9f/ 記得我寸過嗰隻狐狸精，如果發仔瘟嘅話，不如自己生返個啦，所謂「唔知醜，生到四十九」！今日阿姐用我做例子嚟教訓嘉美，話我四十幾歲人先嚟改，係好難，但我都好努力咁去改，係因為我唔想嘉美一世都學我，我想以身作則。 阿姐講得好啱，其實我今次真係「唔知醜 改到四十九」。49歲先生BB，梗係高齡產婦；我四十到抆先改，應該叫高齡改婦。 上網睇到，高齡產婦所生嘅bb，唔單止染色體異常嘅機會率高好多，仲會面對好多風險，睇落同我呢個高齡改婦嘅癥狀都好脗合，例如： 癥狀 高齡產婦  VS  高齡改婦 高血壓 高齡產婦：孕婦高血壓係高齡產婦常見嘅問題之一，病情嚴重會產生頭痛、視力模糊、上腹痛等症狀。 高齡改婦：SHUT UP高血壓講真，幾十年嚟習慣左乜都大鑼大鼓，"B LEE巴啦"嘈生晒，霎時間要SHUT UP，有時真係忍得好辛苦，忍到頭痛肚痛！ 毒血症 高齡產婦：妊娠毒血症造成妊娠毒血症的原因可能是胎盤的血管發育不健全所引起的。媽媽全身的微血管會出現不正常的收縮現象，導致血壓的上升。腎臟的微血管也會出現病變，尿液中出現蛋白質，引起全身水腫。 高齡改婦：禁鬧毒血症以前我日鬧夜鬧，雖然係神憎鬼厭，但下下都咁勞氣，可以促進血液循環架！而家冇得鬧，啲血都好似行得冇咁好，腳同手都開始有水腫！ 好嘞，講住咁多先，我要去敷MASK喇。 咩話？你話我唔係真心改，同以前一樣咁揮霍，日日敷MASK？哎吔，你地體諒吓我啦。你地知唔知呀？醫生話高齡產婦應該多啲補充深海魚油架。 關我咩事？因為我敷嘅係深海魚油MASK囉！ http://blog.tvb.com/moonlight03/2008/09/18/%e5%94%94%e7%9f%a5%e9%86%9c-%e6%94%b9%e5%88%b0%e5%9b%9b%e5%8d%81%e4%b9%9d/ 阿姐： 而家已經係半夜兩點喇，唔知你瞓左未呢？我就瞓唔著，因為我真係好擔心嘉美...我成日都諗，我得一個女已經咁煩，你有六個仔女，仲要三個得三個跟自己，三個跟個狐狸精，日日擔心佢唔知對自己啲仔女做啲乜嘢，你嗰種操心法我淨係想像已經覺得頭痛。 阿姐，見到你將阿好、阿慶佢地教得咁好，我真係好想學你架，我初時以為，嘉美今年廿三歲，仲有得教嘅，教三年教唔好嘅，咪教六年、教十年囉！如果喺佢三十三歲嗰時我可以教返好佢，起碼佢都仲有幾十年可以行返條正路丫！但係而家我擔心係唔得架，唔係佢太壞教唔好，而係我懷疑自己根本冇能力去教！ 或者係我壞得太耐喇，雖然我極力咁去做返個好人，但有啲是非對錯原來我係唔識分嘅！好似嘉美同我講，佢要去墮胎，因為個BB可能係JIMMY嘅，我竟然幫佢隱瞞呀！點解我當時諗唔到，無論個BB係邊個嘅，佢都係嘉美嘅骨肉，我嘅外孫呀！點可以因為怕俾人威脅，就隨隨便便咁殺死自己嘅骨肉？！ 阿姐，到我醒覺嘅時候，我真係好嬲好嬲，只識得用藤條打嘉美，但打完之後又點呢？我真係唔知...阿姐，你要幫我呀，幫我救返嘉美！ 阿莎 http://blog.tvb.com/moonlight03/2008/09/17/%e9%98%bf%e5%a7%90%ef%bc%8csos/ 我啱啱睇左嘉美嘅blog，佢set左lock唔俾我睇架，係我特登裝佢嘅密碼，自己login睇嘅。我知我咁做係侵犯佢私隱，不過除左咁做，我真係唔明呢個女而家究竟諗緊乜。佢今日篇日記嘅題目係「阿卡VS阿圓」，佢狂踩阿卡，話阿卡係淨係識得黐住荷媽嘅裙腳仔，又太重親情，成日提住六粒痴頭芒，好惡頂。同時就猛捧阿圓，話阿圓唔會講爛gag咁白痴，唔駛降格同佢做啲低能嘢，相處得好舒服。 但我一路睇，個心就好唔舒服。 我唔係覺得嘉美踩阿卡有咩唔啱，我好明白有啲女人確實需要一個男人將自己放喺第一位，連屋企人都要行埋一邊。至於阿圓，佢除左認嗰個狐狸精做阿媽之外，都確實冇咩唔好，外型唔錯，學歷又好，性格都純品，女人對佢有好感一啲唔出奇。 不過第二個或者睇唔出，但我好肯定，嘉美一啲都唔鍾意阿圓，甚至連阿卡都冇鍾意過。成篇日記入面，無論對阿卡定阿圓嘅評價，佢都講到好有道理咁，其實喺佢眼中，兩個都係傻仔，如果潮啲咁講，就係kai子。根本所有男人對佢嚟講都係一樣，只不過係俾佢玩弄於股掌之間、俾佢攞著數嘅kai子。 我會咁清楚，當然因為我以前都同佢一樣，樣樣都搞到好有道理咁，其實只係為左自己好，當全世界都係kai子。 不過總有一日，佢會明白其實自己先係最kai嗰個。 http://blog.tvb.com/moonlight03/2008/09/15/kai%e5%ad%90/ 講我自己講到悶悶地，今日想數吓其他人。數啲乜好？不如數吓我最憎我屋企人啲乜嘢啦！ 阿爸：我最憎佢偏心阿姐，如果激親佢，佢仲會當住啲細嘅成個湯殼兜頭扑落嚟，完全唔顧我嘅面子！ 阿姐：我最憎佢講嘢懶有道理，好似淨係得佢啱冇人啱咁。 阿卡：呢個唔駛講啦，我最憎佢梗係飛左我嘉美，搞到佢好傷心。 阿好：我最憎佢太管家仔囉，吓吓幫佢荷媽管住我！ 阿月：我最憎佢成日咀gel gel，鬧我罵淫為樂罵左七次，仲有都唔知係咪同佢鬧交鬧得太多，搞到我都做埋攞女。 阿圓：um....我最憎佢....最憎佢太少返嚟阿姐呢邊，搞到我連憎佢啲咩都講唔出。 阿慶：我最憎佢同我同一日做新娘，影到我老晒！ 阿中：我最憎佢同我講"You monster shut up"，俾第二個鬧都算，俾個半文盲嘅細路鬧喎，你話幾hurt！ 好，數完！ 其實我係想話，雖然佢地有咁多缺點，不過就同時有一個優點：佢地容忍力特強，我啲衰嘢多過佢地十倍，但佢地一次又一次咁原諒我，仲用心良苦令到我同嘉美和好。 佢地淨係呢個優點已經贏晒啦！ http://blog.tvb.com/moonlight03/2008/09/11/%e5%a4%a7%e6%8e%a7%e8%a8%b4/