姓名：于素心/秋﹙鍾嘉欣飾﹚
年齡：約25歲
觀看鍾嘉欣的網誌
呢排可能同撒亞人見得多左，又聽返佢嗰時錄俾我嘅錄音帶，我諗返起好多我地以前細個一齊嘅事。有時係搭搭吓車返工諗起，有時係喺醫院CANTEEN，食食吓飯嗰時突然間記起，尋晚仲發夢夢見返有一次佢激嬲左我，佢為左氹返我，喺海邊一個人食晒一盒兩公升嘅雪糕，話代表佢對我嘅熱情無論點樣都唔會減退喎。而嗰日，係嗰年冬天最凍嘅日子。今晚原本同撒亞人打邊爐，但佢為左買對新嘅隱形眼鏡俾我，嘢都唔食撲左出去搵。最後我地買左粥同埋炒麵，拎去海旁度食。管家仔叫我帶返副眼鏡，唔駛對眼咁乾澀咁辛苦。我同佢講，我唔會隨便俾人見到我戴眼鏡個樣，一係殺佢滅口，一係就逼佢娶我。
其實我唔係講笑架，以前我真係好介意俾人見到自己戴眼鏡嘅傻樣，尤其是係撒亞人，嗰時我明明睇嘢唔清楚，但死都唔肯戴眼鏡，睇戲嗰時又矇查查，要佢讀字幕俾我聽…
後來媽咪逼我配左副眼鏡，嗰日佢又提議去睇戲，話難得我終於睇到字幕喇喎！點知去到戲院，原來佢買左飛睇忍者龜！佢帶住奸笑咁話，四眼龜，我幫你搵返啲同類喇！
而家我唔介意喺佢面前做四眼龜，因為我明白外貌並唔係咁重要；不過當我諗起同佢嘅往事，然後不自覺咁傻笑，我就寧願自己係隻忍者龜，唔好俾佢見到。
共44個回應
Copyright 2010 TVB.COM Limited
A Member of TVB Group
Linda，戴吾戴眼鏡都好亮
好中意妳啊~~
阿秋…你係love阿好嫁嗎…點解唔趁尼個機會迫佢娶你呀…你都比佢睇到你戴眼鏡個look啦
不過無論如何…鍾嘉欣…我都會支持你呀!!!希望你有情人終成眷熟啦!!!!^^
妳戴起眼鏡個樣，都好靚~~~
好中意妳啊~~
哈哈!!「四眼龜，我幫你搵返啲同類喇！」
阿秋啊，你地食饭盒首歌叫咩名啊？唔该话我知了！多谢！……
我覺得呢你左家好月圓中的表現好出色呀,特別係你同林峯個一part。
Linda，戴吾戴眼鏡都好亮，我好中意你啊！o(∩_∩)o…哈哈
一樣咁靚 =]]
你都戴左眼鏡泥睇野la,迫佢娶你la,等佢唔洗咁煩呀嗎!!
還定你地都係鐘意對方ga la!!
就算係四眼龜,佢都唔會介意你ga la!!
只要係真心ge未得lo!!
阿秋…你係love阿好嫁嗎…點解唔趁尼個機會迫佢娶你呀…你都比佢睇到你戴眼鏡個look啦
不過無論如何…鍾嘉欣…我都會支持你呀!!!希望你有情人終成眷熟啦!!!!^^
佢都睇左啦~嫁比佢啦~快d喇..其實:佢都好鐘意你!! 希望你可以做成情侶 !支持你!++++++++++油呀..