誰人愛我 http://blog.tvb.com/moonlight09 誰人愛我 Sun, 21 Sep 2008 14:31:41 +0000 http://wordpress.org/?v=2.6.5 en 一家團圓 http://blog.tvb.com/moonlight09/2008/09/21/%e4%b8%80%e5%ae%b6%e5%9c%98%e5%9c%93/ http://blog.tvb.com/moonlight09/2008/09/21/%e4%b8%80%e5%ae%b6%e5%9c%98%e5%9c%93/#comments Sun, 21 Sep 2008 14:31:41 +0000 家好月圓 http://blog.tvb.com/moonlight09/2008/09/21/%e4%b8%80%e5%ae%b6%e5%9c%98%e5%9c%93/ 有人話，真正嘅愛情係要經得起考驗，我諗，經過咗呢四年，我同阿卡都算係通過咗考驗，可以幸幸福福咁過埋下半世！

今日攞驗身報告嘅時候，我好感觸，望住份驗身報告嘅時候，啲眼淚忍唔住瞟出嚟！我同阿卡講︰「四年喇，足足四年喇，我等今日等得好苦呀！」佢聽完之後，粒聲唔出就攬住我，仲攬得我好實。當時，我實實在在感受到阿卡嘅心跳，個感覺好真實，好有安全感。我唔駛再驚佢會熄燈，唔駛再驚佢個心跳跳下停咗，唔駛再擔心佢會無聲無息咁消失…

我知道，而家擁有嘅一切都得來不易，所以我會更加珍惜。屋企所有人，jo飽同荷媽、我同阿卡、管家仔同于素秋、阿慶同Kelvin、阿圓同嘉美，個個都經歷咗唔少風浪先可以喺埋一齊，或者，呢啲就係上天俾我哋一家嘅考驗！

雖然我唔知將來仲會有咩風浪，但係喺呢一年，我哋一家人可以齊齊整整，喺中秋佳節團團圓圓，我覺得超幸福呀！但願天下所有家庭都可以齊齊整整，喺中秋節享受同一個月光，食住同一塊月餅，分享相同嘅喜悅。

]]> http://blog.tvb.com/moonlight09/2008/09/21/%e4%b8%80%e5%ae%b6%e5%9c%98%e5%9c%93/feed/ 一個好媽媽 http://blog.tvb.com/moonlight09/2008/09/20/%e4%b8%80%e5%80%8b%e5%a5%bd%e5%aa%bd%e5%aa%bd/ http://blog.tvb.com/moonlight09/2008/09/20/%e4%b8%80%e5%80%8b%e5%a5%bd%e5%aa%bd%e5%aa%bd/#comments Sat, 20 Sep 2008 13:30:44 +0000 家好月圓 http://blog.tvb.com/moonlight09/2008/09/20/%e4%b8%80%e5%80%8b%e5%a5%bd%e5%aa%bd%e5%aa%bd/ 估唔到，搶人老公嗰個變咗受害者，被人搶老公嗰個變咗狐狸精！二奶自吹自擂做大婆，大婆被人屈到變二奶！

殷紅明明係狐狸精，勾引jo飽，破壞我哋一家，而家扮晒可憐，周圍同人話自己幾慘，點樣被人搶老公！

咁荷媽呢？當年佢好心收留紅姨，當正佢係姊妹，仲救過佢一命，結果呢？

就係俾自己嘅好姊妹出賣！十幾年嚟含冤受屈，吞聲忍氣，想關心自己啲仔女都唔可以咁張揚，如果唔係又會被人話耍手段、搞咩陰謀陽謀！

荷媽幾十歲人仲要被人話係狐狸精，當眾被人掟雞蛋，佢都未曾埋怨過半句！

今時今日，名譽對佢嚟講已經唔再重要，自己啲仔女先至係佢嘅所有！

我好慶幸可以俾荷媽收養，我覺得呢個係幾世修嚟嘅福氣！

荷媽教曉我好多嘢，佢教我要識得忍，要以大局為重，要顧及其他人嘅感受，唔可以凡事以為自己啱晒，要識得喺適當嘅時侯講適當嘅嘢…

經歷咗咁多嘢，我諗我已經大個女喇！我唔會好似以前咁任性，一個唔該就離家出走；我唔會好似以前咁衝動，認為自己啱晒就唔理三七廿一，篤爆人哋啲衰嘢！

多謝荷媽，你教識我點樣做人！如果我係一個有一百分嘅乖乖女，你就係一個一百零一分嘅好媽媽！

]]> http://blog.tvb.com/moonlight09/2008/09/20/%e4%b8%80%e5%80%8b%e5%a5%bd%e5%aa%bd%e5%aa%bd/feed/ 一點點的雨 http://blog.tvb.com/moonlight09/2008/09/19/%e4%b8%80%e9%bb%9e%e9%bb%9e%e7%9a%84%e9%9b%a8/ http://blog.tvb.com/moonlight09/2008/09/19/%e4%b8%80%e9%bb%9e%e9%bb%9e%e7%9a%84%e9%9b%a8/#comments Fri, 19 Sep 2008 14:35:22 +0000 家好月圓 http://blog.tvb.com/moonlight09/2008/09/19/%e4%b8%80%e9%bb%9e%e9%bb%9e%e7%9a%84%e9%9b%a8/ 嫲嫲，你啱啱先至搬番嚟，啱啱先有番開心嘅生活，點解咁快就要走？以後我哋再見唔到你喇，我哋唔可以再一齊食蛇羹、唱大戲、搭叮叮…

我好唔捨得你呀………

前嗰排，嫲嫲令我記番起一件兒時趣事…

記得我好細個嘅時候，同嫲嫲去行山，但係中途落好大雨，我哋唯有走入個涼亭避雨。當時我見到天上面嘅雨，一條一條咁落，驟眼望落去，就好似好多線掛住喺個天空度。我同嫲嫲講，「點解啲雨係一條條，唔係一點點嘅？我好想捉住啲雨，睇吓係一條條定係一點點。」嫲嫲當時但笑不語，冇應到我，但係過咗咁多年之後，佢俾咗一張相我睇。

佢好興奮咁同我講，阿月阿月，我影到啲雨係一點點架！

起初，我都唔明佢講乜，慢慢先醒起有呢件事。

我好驚訝，嫲嫲竟然連咁小嘅事都記得咁清楚！

雖然張相唔係咁清楚，但係證明咗嫲嫲係幾咁緊張我哋，同埋幾咁懷念以前嘅日子！

嫲嫲，我知道你嘅心意喇，我完全收到晒喇，你喺天上要快快樂樂呀，我哋唔會忘記你架！

]]> http://blog.tvb.com/moonlight09/2008/09/19/%e4%b8%80%e9%bb%9e%e9%bb%9e%e7%9a%84%e9%9b%a8/feed/ 九成身家？ http://blog.tvb.com/moonlight09/2008/09/18/%e4%b9%9d%e6%88%90%e8%ba%ab%e5%ae%b6%ef%bc%9f/ http://blog.tvb.com/moonlight09/2008/09/18/%e4%b9%9d%e6%88%90%e8%ba%ab%e5%ae%b6%ef%bc%9f/#comments Thu, 18 Sep 2008 14:35:36 +0000 家好月圓 http://blog.tvb.com/moonlight09/2008/09/18/%e4%b9%9d%e6%88%90%e8%ba%ab%e5%ae%b6%ef%bc%9f/ Jo飽曾經為餅舖仆心仆命，捱到金晴火眼，而家紅姨要同jo飽爭家產，仲話要攞走家好月圓嘅九成股份，真係好離譜！最毒嘅係，佢明知阿卡有心臟病，嫲嫲又朋友多多，就專登喺佢哋面前，大大聲聲話要分餅舖九成股份，故意要激佢哋兩個，你哋話佢毒唔毒嘞？

本來，我哋六粒黐頭芒都唔貪間餅舖，但係紅姨咁過份，我哋一於支持jo飽同佢打官司，大家爭過，睇吓點囉！

係吖嘛，有乜理由jo飽得一成嘅啫？紅姨係有打理過家好月圓，但係全靠jo飽一開始搞好間餅舖，省靚個招牌，而家餅舖先做到咁大規模，點解jo飽嘅努力只係值一成股份呀？

最公平嘅做法，就係一人一半，但係紅姨就偏偏唔肯，死都要霸晒啲月餅！

因為佢妒忌！佢妒忌我哋一家幸福！

如果佢學到荷媽一半嘅話，佢都可以將頭家打理得井井有條。可惜，佢本性如此，注定要再離多次婚！

就算俾佢霸晒家好月圓都冇用，因為佢將要失去嘅，係一頭家！

]]> http://blog.tvb.com/moonlight09/2008/09/18/%e4%b9%9d%e6%88%90%e8%ba%ab%e5%ae%b6%ef%bc%9f/feed/ 擔心 http://blog.tvb.com/moonlight09/2008/09/17/%e6%93%94%e5%bf%83/ http://blog.tvb.com/moonlight09/2008/09/17/%e6%93%94%e5%bf%83/#comments Wed, 17 Sep 2008 14:35:49 +0000 家好月圓 http://blog.tvb.com/moonlight09/2008/09/17/%e6%93%94%e5%bf%83/ 呢排好心煩呀！屋企人一個接住一個咁出事，jo飽同嫲嫲已經相繼入咗醫院，阿卡又失驚無神得到個隱性心臟病，搞搞吓function暈咗喺度，真係嚇死我喇！

阿卡一直都冇病冇痛，行得走得，點會無端端有心臟病架？

佢仲咁後生，平時又唔食煙，又冇乜飲酒，咁都會有心臟病嘅？

點解個天偏偏要選中阿卡？點解個天要咁樣玩佢？

我上網搵過啲資料，心臟病喺病發之前毫無徵兆，但係一旦病發就可能會喺一分鐘之內冇命！

所以，一般人好難察覺到自己有心臟病，就算胸口翳住翳住，隱隱作痛，都會以為係食得太飽，或者係工作疲勞，好少會懷疑自己有心臟病。

可能阿卡就係因為做嘢太過搏命，所以搞成而家咁…

咁即係話，可能係因為我幫唔到佢手，冇減輕到佢嘅負擔，導致佢有心臟病…

可能係我累咗阿卡…

最衰都係我…

]]> http://blog.tvb.com/moonlight09/2008/09/17/%e6%93%94%e5%bf%83/feed/