|
||
 |
Copyright 2009 TVB.COM Limited. A Member of TVB Group. |
廣告查詢
‧
數碼新紀元
‧
TVB International 公司資料 Corporate Info ‧ 人才招聘 Jobs ‧ 查詢 Enquiry ‧ 常見問題 FAQ ‧ 服務條款 Terms Of Use |
- |
- |
- |
- |
姓名：凌至信﹙黃宗澤飾﹚
年齡：約27歲
觀看黃宗澤的網誌
我知道我冇權利再去搵于素秋。既然我唔可以下定決心同詠琳分手，我仲搵佢做乜吖？但係一段感情真係可以話放低就放低咩？于素秋係我第一個真心鍾意嘅女仔，就算我明知同佢一齊只會傷害到佢，我都冇辦法迫自己放低佢。可能我真係太自私，但係人本來就係自私，尤其是對於愛情，又有邊個可以偉大到完全唔考慮自己？我真係好想同于素秋講一聲我對佢係認真嘅，我對詠琳真係只有義，一啲愛情都冇，唔通因為我同佢行咗七年，因為我識佢先於于素秋，我就一定要揀詠琳咩？愛情冇先後之分，只係分愛同唔愛架咋。我好想同于素秋講，可惜佢一直避開我，唔肯聽我電話。
我以為我唔會有機會再同佢講，但係好多嘢都好似注定咁，雖然于素秋唔肯聽我電話，都要我同佢竟然喺餐廳度撞到。只不過我哋遇得唔係時候，佢同管家仔一齊，而我，同詠琳一齊。我知道如果我當住詠琳面求佢，詠琳一定會好難過，但係我見到佢咁唔開心，我就更加難過。當我見到佢好傷心咁衝出餐廳嘅時候，我唔想再考慮詠琳點諗，因為我知道如果我唔追出去就會永遠咁失去于素秋，所以我追咗出去，我同于素秋講我寧願做衰人都唔想放棄佢。
如果我可以堅持嘅話，應該可以解決到我哋三個人之間嘅問題，但係我真係好冇用，當我見到詠琳行出嚟嘅時候，我竟然冇辦法同佢講于素秋先係我真心鍾意嘅人。結果，我只能夠睇住管家仔拖走于素秋。我真係好嬲我自己，點解我會咁冇用？點解我開唔到口同詠琳講個真相出嚟？點解我一定要拖拖拉拉，令到自己咁痛苦，亦都令到自己最愛嘅人咁痛苦？
共121個回應
|
|
||
|
Copyright 2009 TVB.COM Limited. A Member of TVB Group. |
廣告查詢
‧
數碼新紀元
‧
TVB International 公司資料 Corporate Info ‧ 人才招聘 Jobs ‧ 查詢 Enquiry ‧ 常見問題 FAQ ‧ 服務條款 Terms Of Use |
晤系架…要退出就等詠琳同管家仔退出！
如果你係想同阿秋的唔該你唔好拖拖拉拉
兩邊都唔放手算點?
搞到三個人都唔開心喇= =
快D同個詠琳斬啦
阿好遲早會同番阿秋架
你都係同番你個琳琳啦,心女交俾好啦,你咁會搞到個個都唔like你姐,你唔想做衰人,你就跟我咁做啦-.-?
我之前好鍾意你…不過我宜家唔鍾意你~
你搶女朋友…正衰仔!!你死開啦…\口/
阿信…
如果你為阿秋好的…
就快d同詠琳分手…
唔係的話你地會好辛苦傢…
永遠支持你=)
By洛洛=]
成件事泳琳同管家仔最無辜,你同於素秋都好自私.於素秋之前講到甘鍾意管家仔,見到距同婷婷都哭成甘,點知先一個晚上就愛你甘深,真系好虛僞的愛情.明知你有女朋友都要插埋入去,同紅姨不愧為兩母女!至於你,無佐泳琳你都無可能做到醫生喇,就算你對距無愛情,但都有責任,人系無可能只為愛情生存嘎,呢個世界好現實,你當初既然自私的接受佐泳琳供你讀書噶事實,而家就要做個有責任噶男人,如果以愛情為籍口而抛棄一個盡心盡力為你噶女人,甘你都好賤好自私喇!!
你愛果個唔係于素秋，係你自己。
如果你真係愛于素秋，應該等你同詠琳分左手先同人地開始…
于素秋未出現前，你已經有問題…你浪費左人地7年，唔通仲想浪費人成世﹖
我知你好辛苦，唔識抉擇…但你一日唔同其中一邊分開，都繼續傷害兩個好好既女仔。
點講都好~~你同詠琳7年~~7年！！！！5好話我知~~7年啦你地一d感情都冇！！！咁系冇可能既！！！其實~~你對秋既愛~~相比于管家仔對秋既愛~~根本5算得系咩野！！！管家仔個d先叫真正既愛！！！！！！管家仔愛秋~~但佢并冇企圖占有秋~~~而你~~就為佐得到秋而傷害咁多人~~~詠琳~管家仔~~個個都俾你傷害~~你5可以咁自私噶！！！
愛情就係愛情 恩情就係恩情
放胆去追你既愛情吧.因為愛情永遠都冇分對錯.
快D搵你既真愛LA~~支持你~~~~
凌B: 雖然你話同詠琳無愛情可言﹐但係7年唔係小嘢囉…
于素秋同管家仔本身係一對架嘛﹐你唔好咁忍心拆散佢哋啦…
因為你嘅出現…于素秋放棄咗管家仔喇…
同咗你一齊但係你又婆婆媽媽~~~唔好咁啦你…放過佢哋啦
Bosco: kakaka~~你做親D角色唔多唔少都有貪玩嘅性格…唔知你本身嘅性格係咪都係咁貪玩嘅呢﹖LOL~ 繼續加油呀~﹗支持~﹗