我o係古裝新劇《宮心計》中飾演皇帝，由於著古裝需要大隻o的先可以著得好睇，所以我拍呢套劇期間刻意增肥十多磅，有成二百多磅，變回我初入行時的體重，所以我決定拍完劇後，就會積極減肥，最理想就係一個月內減去二十磅。

記得初入行時，為o左減肥，試過每日只食烚菜，狂做運動，加上落沙灘跑步、游水各一個鐘，之後仲做一千下sit up，結果成功，腰圍更由三十四吋減到廿八吋，不過因為呢次減肥令我有輕微厭食症，影響健康，所以令我明白到減肥亦要減得健康，唔可以用極端方法，今次我要減肥，當然亦會記緊呢個道理。

要改變飲食習慣，係減肥一大重點。

最近我出席一個燕麥宣傳活動，學習用健康方法o黎減肥。

活動上請o黎健身教練，教我如何做帶氧運動減肥。

e999b3e8b1aa

接拍這個廣告最令我高興的，是可以跟咖啡的緣份再次加深。一向都喜歡飲咖啡，開咖啡店亦是我夢想，所以今次能夠成為咖啡店代言人，朝向我開咖啡店的夢想又行前一步。我好開心現在香港咖啡文化不斷提高，以前得一、兩間咖啡店，現在滿街都是，所以咖啡店還有很多發展空間，不過因為金融海嘯，加上做生意要有很多計畫和部署，所以短期內，我都不會開咖啡店。
雖然fans暫時未有機會去我的咖啡店嘆咖啡，不過大家不用失望，因為我正準備出書，帶大家嘆勻香港最好咖啡。我將會在七月書展中推出一本介紹香港咖啡店的指南書，帶大家搵香港最好飲的咖啡。雖然我現正忙於拍攝《宮心計》，工作排得密麻麻，不過藝人生活就這樣，惟有在有限的時間內做最多事情。

在廣告另一幕中，我這位咖啡專員到了書店，今次負責試味的是一對夫婦。