我則以電視機來比喻兒子Brandon的重要性，以前冇了電視機唔得o架，而家冇o左電視娛樂唔緊要，但我唔可以冇o左個仔！他的每一個階段都好吸引我，由他開始嗌一個音，到而家識得呀呀同我們溝通，雖然唔知道阿仔講乜。每日第一時間要返屋企，我唔同安仔，從來未離開過兒子，每天看著他都覺得好神奇，出世時只是毫無反應的飯，到而家好多作狀表情，甚至學行學講o野，所以我留在家中唔去街陪住兒子已經有好大樂趣。
Brandon仔精靈可愛，令阿廉笑遂顏開，不過有時都曳曳令我好勞氣，現在他開始有脾氣，我就會運用適量的聲線，希望可以控制他不要太過分。他很喜歡咬東西，但又唔肯咬奶嘴，講道理邊識聽？我會用不同語氣令他分辨出乖或曳。雖然我和太太並沒有分明誰是忠奸的角色，但由於太太好錫Brandon，自然有點縱容而變成了忠，但我希望兒子有規矩，成為奸也不要緊，目的是令他明白事理，所以會鬧個仔，不過他又好黐我身，我覺得他識得分，知道我好錫佢，但曳的時候就會聽到我唔鍾意的語氣，既然他識得分，我更容易去教育他。