我早前以一早張揚，個唱中會穿上性感的服飾，以滿足觀眾的視覺享受，為此正努力keep fit，作為歌手，最緊要應該以『歌』為主，觀眾來到主要係想聽我唱好歌，這是我的本份，亦希望可以達到大家的要求。練歌為先，揀歌亦是很重要的環節，除了首被大眾肯定歌喉的〈愛在記憶中找你〉、管家仔熱唱的〈愛不疚〉等的拿手情歌外，我亦尋求突破，情歌是大家對我一貫的印象，亦都是真正的我。但今次個唱，我希望可以將大家看到我鮮為人知的一面，其實唔係好多人聽過我唱快歌，仲要又唱又跳，今次會作首次公演啦！仲會唱一些經典金曲，和喜歡、欣賞的歌，可能會rap，樣樣都試o下。
勁歌同時與性感女dancers於台中水池大跳貼身辣舞外，我仲會加入fashion show的元素，務求讓觀眾樂在其中，我視今次為一個好好玩的party，加上本身好鍾意接觸人群同觀眾，希望到時能夠和所有觀眾、聽眾有交流，在安全情況下，我希望能夠在觀眾席出現，更甚直頭想大家湧埋上台一齊玩，可以製造不同的高潮位。吊威我於古裝劇中都吊得多，所以要於紅館飛天都冇問題，當然要睇大會安排。」

嘉賓陣容

 

師姐過招 阿Sa

扮o野搞笑 王祖藍

 

舞王切磋 謝天華

合作無間 泳兒

最佳拍檔 鍾嘉欣

公開的嘉賓的名單，有我的樂壇師姐阿Sa蔡卓妍和泳兒、師弟王祖藍外，仲有我的老友、近期hit爆的Laughing哥謝天華，至於大家期待的緋聞女友鍾嘉欣，TVB製作資源部總監樂易玲小姐透露，正努力爭取嘉欣演出，她說：「嘉欣拍緊劇，問劇組度緊期，都希望她可以出現，同我合唱〈心領〉。」
除此以外，我更親自邀請神秘嘉賓，我會搵幾位私底下熟絡，但從來未合作過的朋友和我同台jam歌，全都是我親自打電話畀對方：『喂，不如一齊o黎玩！』對方都立即答應，係邊個？到當晚就會知。就如天華，我和他是死黨，卻未合作拍劇，他是舞王，今次和他jam舞，他的壓力一定大過我，點解？因為一直以來大家都知道天華跳得好同勁好，（一陣你跳得好過他？）咪係，叫天華小心呀！哈哈哈哈！