Hello，大家好呀！！都已經有一段日子無Update我個Blog啦！！大家仲記唔記得我之前同大家分享過，我將會幫一間名為“修身文化”o既美容院做代言人呀？個廣告已經出o左街啦，唔知大家有冇留意。其實我為個廣告影o左好多相，但係暫時大家唔會睇到，因為廣告商會慢慢刊登出街，所以大家要留意呀！！而我今次就特別想同大家分享呢個廣告o既少部份相。其實我一直都覺得對於一位好似我咁身型o既女仔o黎講，我對手臂係過肥過大。因為我係中學開始，就係學校排球及籃球校隊，因為經常鍛煉o既關系，所以我手臂比一般女仔粗大。但係我代言o既美容院真係幫到我減細及從新塑型我o既手臂。我之前從未試過任何美容儀器，今次係我o既第一次，原來真係有效o架！！大家見到相內o既我，就係做完手部療程之後o既效果，等我一有時間或者唔須要拍o野o既時候，我就會嘗試唔同o既美容儀器，嘻嘻！！

係新一套劇集《鐵馬尋橋》內，期中一場係講因為馬國明病o左，所以我要用單車送佢番屋企，其實係廠內踏單車都經已唔容易，仲要車住一個有150 lbs重o既人，我連控制輛單車都唔得呀！！經過幾次賞識之後，好好彩，我最後都成功，不過我就搖得好緊要o羅！！我仲大約撞o左4次呀！！但係我o地o既拍攝同事仲利害，因為佢o地全程要跟住我o地輛單車跑，而當日天氣係非常非常之熱！！

我好快就會幫一間瘦身美容院做代言人，呢間美容院名為“修身文化”文化，

為o左o係拍攝廣告相前要有最好體態，我決定要減磅！！但係對我呢講真係唔容易，因為我真係好鍾意食o野，特別係零食，好似薯片、朱古力以及所有甜品，都係我o既至愛！！我仲特別鍾意食宵夜，所以我從來都唔會餓親自己，但係自從我決定要有最好o既體態之後，以下就係我決定每日要做o既方法：

1.      每個星期去美容院2-3次

2.      完全唔食即食麵，零食及宵夜

3.      甜品只會5pm前食

4.      只食70%飽，晚餐唔食碳水化合物

5.      完全唔飲任何甜o既食品及飲品，只飲水

早餐：飲鮮搾士多啤梨香蕉奶昔、酸奶酪或牛奶麥片

牛餐：任何健康食物，但只食70%飽

晚餐：同樣只食70%飽，小食肉及碳水化合物，多食蔬菜

我之後會與大家分享我影呢輯廣告相o既花絮，如果你o地覺得好，可以嘗試以上o既餐單，我呢次o既修身廣告，大家將可以o係下期o既“東方新地” 就可以睇到