前晚返屋企果陣,我見到一隻流浪狗被前面嘅綠色的士撞倒。流浪狗被撞至捲入車底,再由尾轆爬返出嚟。架的士雖然停低咗一陣,但轉頭又駛走咗。 於是我落車睇吓隻狗嘅傷勢啦,點知佢驚得滯係咁走,我又係咁追,結果流浪狗喺又震驚,又痛楚,又恐懼之下,遺下5隻初生小狗喺草叢度。 最後我都係搵唔到狗媽咪,以佢嘅傷勢嚟講,我估佢可能捱唔到,所以我將呢堆狗BB帶返屋企。我估佢哋大約兩三個月大,已經出咗牙仔。我浸咗啲狗糧畀佢哋食,佢哋實在太肚餓喇!  我估冇乜機構可以收容到佢哋,而且佢哋全部都係雌性嚟嘅,假如將佢哋放返喺街度,就只會製造更多無家可歸嘅狗狗。我希望有善心人士可以領養佢哋。佢哋真係好得意嫁!