大家仲記唔記得我係8月8日寫過一篇Blog名為《救救流浪狗》。o個次我係街帶o左５隻初生小狗番屋企，後來多得一o的善心人士收養o左佢o地，而其中一位須要讚楊o既就係宣萱。佢一次過收養o左兩隻流浪狗，而且係幾日前佢仲寄o左兩狗仔o既近照比我。宣萱收養o個兩隻狗仔而加非常健康，佢o地仲有兩隻大耳仔，好可愛呀！真係大團完結局呀！！希望可以有多o的朋友幫助街上o既流浪狗啦。

[singlepic=776,320,240,,]

佢o地就係我帶番屋企o個5隻流浪狗。

[singlepic=777,320,240,,]

佢o地就係宣萱收養o個兩隻狗仔，佢o地而加大過o左呀。你可唔可以係之前幅相認出佢o地個樣呀？

selenaxmasdec25.flv

之前一直都因為《歡樂滿東華》o既表演（鑽石美人）而忙，終於都忙完啦！所以我立即就幫屋企佈置聖誕樹！！好開心呀！！我用o左過去呢一個星期，而加終於都佈置完成啦！！我隻狗仔Snowy都有幫手o架！嘻嘻！！今年棵聖誕樹同上年好唔同，因為今年o既佈置好簡約。我只係用o左好多好似水晶o既色調去佈置，就好似我o地係東華表演環節o既造型同化妝咁，嘻嘻！！昐昐姐好好呀！個Show完o左後，佢每人送o左份禮物比我o地，而我個份係一個水晶o既薑餅面包人，我而加以經張佢掛o左係棵聖誕樹啦！最後我希望每位朋友都會有個好甜蜜、難忘開心o既聖誕節，亦希望你o地可以得到想要o既禮物啦！

[singlepic=767,320,240,,]

以前o既聖誕樹
[singlepic=766,320,240,,]

今年o既聖誕樹
[singlepic=769,320,240,,]

好努力地終於都佈置完棵聖誕樹啦，Snowy一見到我佈置完，就立刻訓係地下要我幫佢掃肚仔，哈哈！！
[singlepic=773,320,240,,]

兩隻我最鍾意o既小動物，Sonwy同Stitch！！Stitch係我兩個Fans係兩個星期前送比我，好多謝你o地呀！！
[singlepic=772,320,240,,][singlepic=771,320,240,,]

呢份係昐昐姐送比我o既禮物。好靚呀！！