我好慘呀，仲受o左傷呀！！而且我個頭仲流緊血呀！！因為我撞o左落地下呀！！嘻嘻！大家唔須要驚，因為其實唔係真，我正拍攝《宮心計》，而我角色o既故事發展已經講到我非常悲慘，就快去到尾聲。有幾慘？？真係非常悲哀，我自己讀稿o既時候，都會不其言喊起o黎！！我都係唔講咁多啦，等到《宮心計》播出o既時候大家記得留意呀！！

我之與幾位TVB o既藝員一齊前睇o左由萬綺雯、鄧健泓、李楓等主演的舞台劇“品香飯店” 。我本來去，係因為要支持呢三位演員，但係呢套劇原來係好好睇o架！！嘻嘻！！呢套劇無人唱歌，亦無人跳舞，真係無過會係好睇，但係令我非常意外！！呢套劇令我哭過不停，亦有笑過不停，而其實“品香飯店” 係一個非常感人o既故事，而且每一位演員演得非常好。雖然宜家以經做完，但係我知道“品香飯店” 好大機會會再次公演，所以我要推介比所有o既朋友，你o地一定要睇呀！！

鍾唔鍾意我條裙呀？？非常多謝我o既服裝贊助“Sinequanone”

呢到係劇院o既後台。我o地一睇完套劇就去o左後台祝慶佢o地啦！！

點解我o地會著得咁靚，因為我o地早前到深圳出席一個非常大型o既頒獎典禮，我o地仲係當日o既表演嘉賓，仲會一齊唱歌呀，而係o係開始前我o地會行紅地毯進場，所以我o地就要著得好靚好隆重咁！！當晚有好多我o地o既靚靚姊妹，當然亦唔少得我o地班靚仔小生啦！！當晚出席o既有陳豪、Bosco、阿峯等等，但係我就冇同班靚仔小生影相呀，嘻嘻！！唔好意思！！因為我成晚都想著“Sinequanone”贊助o左一條好靚o既裙比我，我真係非常非為鍾意呢條裙呀！！

嘉欣及我，仲有楊怡、杏兒！！

呢道係我o地o既酒店。

我同阿怡呀！！我o地宜家正忙於拍攝《官心計》，但係我o地係劇內係唔鍾意大家呀，嘻嘻！