我最近開拍o左套新劇《鐵馬尋橋》，你o地睇o下我係劇內o既造型，我自己覺得好cute，嘻嘻！呢套劇已經o係5月頭開始拍攝，但我仲未拍完《宮心計》，所以兩套劇o既拍攝工作時間有o的會重疊，不過唔緊要，做藝人預o左會係咁啦！
我o係《鐵馬尋橋》度會扮演一個醫生，因為呢套係一套功夫片，o係劇內，我會專為打傷o既人醫治。而我覺得最好笑o既係呢套劇已經係我第「百幾萬次」做馬國明o既女朋友啦！哈哈！我講笑咋！其實我好開心又可以同馬國明合作，因為合作過好多次，非常有默契，我相信呢套劇會拍得好開心。

馬國明又做我「男朋友」啦！

e9a6ace6988ee38081e8a9a9e99fbbe38081e6a58ae680a1_2

前幾晚我同楊怡、陳豪拍劇拍到晨早五點鐘，所以我o地三個決定買宵夜，一次過請所有台前幕後o既工作人員及藝員食o野。而我o地三個都好想食雞肉，所以我o地就叫…………嘻嘻！！我o地叫o左好多食物呀！！足足叫o左成$1300！！但係我覺得係非常值得，因為大家都食得非常高興！！