我最近都係忙住拍攝《宮心計》，而最近就有一場戲令我非常難忘呀！！因為係劇內我同楊怡經常都為o左爭取皇上(陳豪)歡心而大打出手，因為我o地都係皇上o既為一妃子。而最近有一場就令我非常難忘啦！！o個一場係講因為我對楊怡太過妒忌，所以我認唔住掌摑佢。但係呢一場真係令我非常驚，因為做古裝妃子，係要留好長o既指甲，所以我好驚一唔小心就會摑花楊怡塊面！！因為呢個原因，所以我o地係鏡頭前試過好多唔同o既角度，我希望可扮打楊怡以唔須要接觸到佢塊面。但係試過好多次後效果都係唔好，所以到最後我都真係打o左楊怡。但係當然係唔會用力啦！！但係之後我知道因為劇情o既發展須要，楊怡亦都會打返我呀！！仲要兩次，每邊面一次呀！！但唔緊要啦，因為我會打番其他人出氣o架啦！！嘻嘻！！