係新一套劇集《鐵馬尋橋》內，期中一場係講因為馬國明病o左，所以我要用單車送佢番屋企，其實係廠內踏單車都經已唔容易，仲要車住一個有150 lbs重o既人，我連控制輛單車都唔得呀！！經過幾次賞識之後，好好彩，我最後都成功，不過我就搖得好緊要o羅！！我仲大約撞o左4次呀！！但係我o地o既拍攝同事仲利害，因為佢o地全程要跟住我o地輛單車跑，而當日天氣係非常非常之熱！！

我好快就會幫一間瘦身美容院做代言人，呢間美容院名為“修身文化”文化，

為o左o係拍攝廣告相前要有最好體態，我決定要減磅！！但係對我呢講真係唔容易，因為我真係好鍾意食o野，特別係零食，好似薯片、朱古力以及所有甜品，都係我o既至愛！！我仲特別鍾意食宵夜，所以我從來都唔會餓親自己，但係自從我決定要有最好o既體態之後，以下就係我決定每日要做o既方法：

1.      每個星期去美容院2-3次

2.      完全唔食即食麵，零食及宵夜

3.      甜品只會5pm前食

4.      只食70%飽，晚餐唔食碳水化合物

5.      完全唔飲任何甜o既食品及飲品，只飲水

早餐：飲鮮搾士多啤梨香蕉奶昔、酸奶酪或牛奶麥片

牛餐：任何健康食物，但只食70%飽

晚餐：同樣只食70%飽，小食肉及碳水化合物，多食蔬菜

我之後會與大家分享我影呢輯廣告相o既花絮，如果你o地覺得好，可以嘗試以上o既餐單，我呢次o既修身廣告，大家將可以o係下期o既“東方新地” 就可以睇到

o係黎緊o既新片《殺人犯》入面，大家會聽到我把聲變成郭富城o既太太，點解？？因為飾演。郭富城太太o既演員係一位台灣藝人。所以佢o地須要一把廣東話o既聲音比呢個角色。作為一個全能o既藝人，配音員對於我o黎講我都係第一次，經過今次o既經驗，我發覺只係用把聲去做戲，係難過用全個人去做戲好多，因為我首先要配合演員o既咀唇，然後再用聲音去表達佢內心感受，不過…. 整個過程都好好玩！！我諗最難忘都係當你見到自己把聲由令一個人發出，都真係幾奇怪！！而且我好開心，導演好鍾意我把聲。我已經睇過套電影，我覺得好好，係一套非常好睇o既電影，而且我相信大家一定會覺得個結局好意外，如果有時間一定要去睇呀！！！

我及呢套電影o既監制

呢道就係配音室

呢張海報係我o係戲院外見到，大家記得睇呀！！