上星期六我去o左現場睇《2009香港先生》，但係非常可惜，因為我唔記得帶相機呀！！所以我影o左唔係太多相，而當晚現場o既氣氛非常好，節目非常豐富，機本上整個節目都非常有娛樂性。但係當我見到某幾位參賽者得到較低成績o既時候，令我有o的唔開心！因為我知道佢o地每一位都非常努力，但係得到咁低o既成績可能會好難受。而我亦非常欣賞佢o地每一位o既勇氣及決心，能夠參加比賽，所以對於我呢講，佢o地每一位都係勝利者，如果唔係佢o地，我o地上星期六都唔會有個咁好o既收睇啦！！

自從係拍攝《四大名捕》時，係其他同事身上學識玩“鬥地主”，我就開始愛上呢個玩意！！我重知道近來開始流行上網玩“鬥地主” ，所以我都齊齊上網玩“鬥地主” 。其實“鬥地主”o既玩法有少少似鋤大2，但係佢就多o左好多好得意o既規則，重可以改變方向。我宜家一有時間就上網玩“鬥地主” ，當然你o地係唔會知道我幾時上呢，幾時同大家玩啦，而我係網上o既名係……. 哈哈，我當然唔話比你o地知啦！！可能有日你會突然發現我同你玩緊“鬥地主” 呀，嘻嘻！！

Hello，大家好呀！！都已經有一段日子無Update我個Blog啦！！大家仲記唔記得我之前同大家分享過，我將會幫一間名為“修身文化”o既美容院做代言人呀？個廣告已經出o左街啦，唔知大家有冇留意。其實我為個廣告影o左好多相，但係暫時大家唔會睇到，因為廣告商會慢慢刊登出街，所以大家要留意呀！！而我今次就特別想同大家分享呢個廣告o既少部份相。其實我一直都覺得對於一位好似我咁身型o既女仔o黎講，我對手臂係過肥過大。因為我係中學開始，就係學校排球及籃球校隊，因為經常鍛煉o既關系，所以我手臂比一般女仔粗大。但係我代言o既美容院真係幫到我減細及從新塑型我o既手臂。我之前從未試過任何美容儀器，今次係我o既第一次，原來真係有效o架！！大家見到相內o既我，就係做完手部療程之後o既效果，等我一有時間或者唔須要拍o野o既時候，我就會嘗試唔同o既美容儀器，嘻嘻！！