最近我每日都忙著為我9月舉行o既音樂劇彩排，同我一齊演出o既有李亞男及張崇基。其實一個音樂劇要準備o既工作真係唔小，而剩餘o既時間都已經唔多啦！！而且我係劇內o既演出係須要同一大班學生跳舞及唱Hip-Hp類型o既歌。因為每日忙著排練，又要跳好多舞，所以我o的肌肉非常痛呀！！但係我都係覺得好好玩，因為其實我好鍾意跳舞！！我諗係我跳舞前，我可能須要做多o的伸展動作！！希望會好o的啦！！

係我o既演藝生涯o黎講，今次係第一次係水底下進行拍攝。今次o既拍攝設備非常充足，我o地連專係水底下拍攝o既手提攝錄機亦準備o左，而呢幕係講馬國明跳落水底下救我，但係真係好辛苦，因為o的水非常鹹，令到我對眼好唔舒服，而且o的水走入我個鼻o既感覺好難受呀！！令到我個鼻好似比火燒咁！！最痛苦係水o既壓力令我個心好似就快爆裂，好幸苦呀！！我令願係陸地做其它危險動作，都冇咁辛苦呀！！但係我都好Enjoy係水上暢游o既！！

係呢緊o既9月4、5、6日我會於荃灣大會堂演奏廳演出我個人首次o既音樂劇。我到時唔只會跳舞（Hip Hop），更會唱歌。其實我宜家真係有o的緊張呀！！因為我o地到現時都未正式排演，我會笑先睇鄧健泓及陳敏之於8月6日o既音樂劇，等自己可以有多o的概念。我已經upload o左張海報，如果大家想要多o的有關資料可以睇睇。希望大家可以多多支持啦！！

PS. 早前因為拍劇o既關系已經有一段時間冇見過我o既Fans們！！係呢緊星期六我會有一個宣傳活動，希望到時會見到你o地啦！！