Hello!!! 大家好呀！！ 再有新一輯o既修身文化廣告啦，上次我唔記得話比大家知，其實今次係我第一次做瘦身中心o既代言人！！！我之前係未試過同任何瘦身中心簽約，因為食對於我係人身最大o既樂趣，如果要我為o左減肥而唔食o野，咁就等於殺o左我。所以我從來都無試過節食減肥，因為我真係食太多o野啦！！而最近我發覺我應該要食得健康o的，我之前成日都食好多零食，而修身文化o既瘦身儀器話可以令我線條更加好！！我試過啦，真係好有效！！我試o個部機應該係叫“RF” 。我真係好鍾意呢部機呀！！但係我最近唔係香港，為有等我番o黎先可以再做啦！！ =(

我最後終於都完成o左我o既音樂劇啦！！！今次係我從來都冇諗過可以完成到o架！！我係三日內，做o左五場Show！！！而且仲要唱歌及跳Hip-Hop舞！！我記得最初知道我要唱和音，而且要唱一o的好高音o既歌時，我真係好想同我經理人講，幫我推o左去！！因為我真係好驚我做唔到呀！！Live喎！！！仲要係咁多觀眾面前！！但係我最後都決定挑戰自己，雖然我真係好驚，但最後我都做到啦！！！我相信只要有決心，無o野係無可能o架。能夠做到一o的事情，係你從來都冇諗過可以完成，o個種滿足感真係非筆墨能形容。我係到非常感謝每位到場支持我o既朋友，亦非常多謝你o地o既花及果籃呀，我好開心呀，因為我收到四個果籃呀！！而我最鍾意就係Snowy花籃，因為我收o左一個花籃係畫o左我隻小狗Snowy係入面，好Q呀！！好多謝你o地呀！！

早前我出席o左Barney o既商場活動，Barney係一隻非常可愛o既卡通公仔，所以活動當日亦吸引o左好多非常可愛o既小朋友！！佢o地個個都著住Barney o既服裝，真係好可愛呀！！我記得我細過o既時候都好鍾意唱Barney o既歌。
Ï love you, you love me, we’re one great big family… 哈哈哈哈！！係呢次活動我仲帶o左我第一隻o既粉紅色鑽石表Titoni。我特別多謝佢o地對我o既贊助！！我第一次係銅鑼灣o既外牆廣告見到已經覺得好靚啦！！嘻嘻！！