入行前曾任職空姐的陸詩韻（Sharon），經常去旅行放眼世界，如今加入商場做女強人，打理家族製衣生意，她坦言很久沒有旅行，只好趁到外地公幹順道遊歷一番。早前。Sharon隨父親先後到塞浦路斯、克羅地亞和維也納等地，寓工作於娛樂。

Sharon以前旅行會帶靚衫，每天漫無目的行街，但現在行李內有大量文件和手提電腦，又要帶備整齊套裝見客，她說：「雖然依家工作幾大壓力，不過真係學到好多嘢。」

與長輩同行冇艷遇

Sharon早前到克羅地亞逗留兩天，也不忘到當地教堂遊覽，其後在酒店附近買士多啤梨，她說：「聽講呢度嘅士多啤梨好出名，而且價錢又平又好食，但我竟然『好好彩』，買咗兩盒，其中一盒啲士多啤梨係酸嘅，好彩另外嗰盒真係好鮮甜好美味。」

每次公幹都來去匆匆，有次Sharon有機會到塞浦路斯，其下榻酒店對住整個地中海，但不諳泳術的Sharon卻寧願躲在酒店：「我都唔識游水，同埋天氣超熱成38度，都冇出去沙灘行呀！」問她在異國有否艷遇，她說：「冇呀！跟Daddy同埋成班長輩去，點會有艷遇喎！」

講 到劇情，Sharon眉飛色舞：「康熙年紀輕輕喺順治手中接過帝位，套劇講佢點樣一步一步鞏固王權，雖然康熙被輔政大臣鰲拜打壓，但得孝莊王太后背後支 持，康熙最後都可以順利坐穩王位！」不過劇中的人生道理，Sharon認為更值得思考，她說：「孝莊王太后教康熙要親切待人，要尊重別人，人哋先會尊重 你，做人更要心水清，切記唔好感情用事。就算唔係皇帝，人人都有所得着。」

Sharon又大讚飾演康熙的陳道明及飾演孝莊王太后的斯琴高娃，演技入木三分，她說：「陳道明演活唔同年齡嘅康熙，難度好高！斯琴高娃嘅角色好肉緊，佢演得不慍不火，果然係影帝、影后級人馬。」

一直忙著幫家人的生意，呢晚去左《竊聽風雲》既首映，已經很久沒出席一D咁盛大的活動。
呢晚好多位主角、演員同幕後工作人員都有出席，再一次多謝呢部電影既導演麥兆輝、莊文輝同監製爾冬升、方平俾呢一個機會我參與演出 ^.^
非常榮幸可以成為其中一份子，參與一部如此大製作的電影，令我可以學到更多野，我從來冇試過係鏡頭面前化咁淡妝做戲架~
我好開心呢晚見到一班好耐冇見支持我既朋友同記者朋友，一個令我好難忘的夜晚，呢一部真係一部非常出色既電影。
雖然我已經知道成個故事同結局，但係最後都帶比我好大既驚喜啊!