原來叫做揚琴, 亦稱洋琴、打琴、敲琴、扇面琴、蝙蝠琴、

蝴蝶琴、瑤琴等，但係依家幾乎統一稱作「揚琴」.

佢喺中國民族音樂中, 一種兼備打擊樂器及弦樂器特點嘅樂器,

普遍使用於中樂團，有「中國鋼琴」之稱.

揚琴最早源於中東阿拉伯、波斯等地區，後來流傳到歐洲、

北美洲及大洋洲.

最初嘅擊弦工具係木製小槌，音色清脆係揚琴嘅特點.

揚琴以擊弦發聲，音箱以木製成，型狀好似扁平嘅梯形，

上面有百幾條弦，要用雙手擰住琴竹0黎敲擊嘅.

大家咪以為我真係咁醒, 我點會知咁多嘢呢?

呢D知識係一個10歲嘅細路女話比我知架.

其實佢係我一個UNCLE嘅女0黎架,

學「揚琴」係佢其中一項課外活動.

我發覺依家啲小朋友個個都係天才兒童0黎架,

琴棋書畫, 樣樣精通, IQ同EQ又高,

如果我第時都生得出咁醒嘅小朋友就好嘞.

唔得, 我都要扮下識敲「揚琴」先…..