“跳舞” 似乎係我嘅死穴, 不過我一向都認為, 身為一個藝人, 應該要好似海綿咁吸收各種唔同嘅嘢.有時間應該學吓唱歌跳舞…

原來我是這樣跳的
[play video]

起碼一有機會就可以立即發揮出來, 比人地一種好專業的感覺.

公司可能亦睇到呢一點, 所以就會不定期咁安排我地上舞蹈課程.

通常我練習嘅時候, 都會有好多”雞手鴨腳”嘅情況出現, 特別係練跳舞前嘅所謂伸展運動, 我真係次次都好似
“老鼠拉龜咁冇定埋手”.

為免出醜, 我通常都唔比人來探班嘅. 點知有一日我經理人, 帶住DV機來排舞室突擊檢查, 仲話要將我排舞時嘅片斷拍下來放在我嘅BLOG入面.

我當然唔多願意啦, 立即要求重睇拍攝片斷, 睇吓拍攝嘅效果如何?

嘩! 真係好難為情呀, 原來我係跳得那麼的不專業, 看來我的骨頭真的太硬了……以後真的要好好的練習了……

我答應大家終有一天, 我會跳到好似一個舞蹈家咁嘅.

起碼表面睇起上0黎要似嘅.

我和吳卓羲是同屬一個經理人照顧的, 加上我們兩個的生日日期相近
(我是8月30日出生的, 而他就是9月2日的), 兩個都是處女座的寶寶.

好啦, 既然咁樣, 我就免為其難, 同佢一齊攪生日PARTY, 同粉絲一齊玩啦.

我估如果分開辦生日PARTY, 大家嘅日子又咁接近, 我會怕到時如果佢嘅FANS人數唔夠我嘅多, 人比人, 比死人喎, 如果仲比D記者對號入座,攞0黎比較, 會令佢有HARD FEELING喎, 咁就唔好啦.

其實講笑而已, 一齊開生日PARTY嘅主因, 是因為我地真係好老友.

[Show as slideshow]

大家而家睇到嘅大合照, 係咪好陣容龐大哩. 大家係咪好難搵番我同吳卓羲出來呢? 原來用人牆0黎做掩護, 真係幾好橋0架.

咁不如下次等我遇到狗仔隊追縱時候, 出呢D絕招, 咁狗仔咪影唔到我咯.
嘻….嘻…..