咪睇我平時著衫好斯文，其實我好鍾意著運動衫，我貪運動衫夠舒服，方便我把握空閒時間o黎做運動，而且T恤設計得好靚，唔止做運動，普通一件當出街衫亦可以，屋企收藏近千件運動衫，差不多塞滿成個衣櫃。最近好開心可以成為一個運動衫品牌o既代言人，令我有機會著到更多唔同款o既靚衫，我仲希望廣告商可以贊助我運動服，令我o既運動服收藏量可以突破一千，邁向二千件！

我鍾意做運動，可以出一身汗，亦係減壓o既好方法，可惜最近因為工作繁忙，所以冇乜時間做運動，惟有趁唔使開工，o係屋企做家務，當自己做o下運動。

■一件運動衫除o左做運動之外，當去街衫著，同樣可以著得新潮。

 


■拍攝前一日特別提早休息，希望著運動服時可以表現得精神奕奕。

 


■雖然身穿運動服，但髮型化妝都執得好仔細，以求做得盡善盡美。

 


■硬照將會在各大運動店登場，所以拍攝時，很緊張拍出o黎o既效果。

 


■要拍不少跳躍有動感o既動作，所以拍攝前，工作人員畀一o的時裝照我參考，令我對呢次拍攝有概念。

 


■拍攝當日，由朝拍到晚，試好多運動衫，o岩晒我呢個購物狂。