咁多位讀者好耐冇見了！因為自己的工作排到密麻麻呀，先在加拿大、美國等地逗留了十二日進行福音報道；返到香港後，又要出席電影《矮仔多情》煞科宴，兼為《人間喜劇》拍攝埋尾戲份，好忙呀！
除此以外，我早前更為小丸子真人版舞台劇配音，聲演花輪同學，劇中我仲要唱歌添！
身邊朋友成日話我脂粉味重，好配合呢個角色；當日在studio錄音時，多得丁羽叔（配音界老行尊）從旁協助，先可以順利將花輪同學那種瀟灑、抵死的語調表現出。花輪同學有句口頭禪係︰「你點呀？Baby~~」，搞到自己上晒身，見親朋友都對對方講︰「你呢排點呀？Baby~~」哈哈！

直髮時，都覺得自己同花輪同學的髮型好相似。

其實錄音當日把聲有少少沙，幸好出來的效果丁羽叔都好滿意。

丁羽叔是配音界老行尊，在他身上獲益良多。

有記者問我配音時有甚麼開聲秘方，冇o架，不過錄音時一定要有杯水。

這套卡通片真人版舞台劇，將會在七月三日至五日公演。

除了配音，舞台劇中我更有機會同曾志偉（聲演爺爺）、蔡卓妍（聲演小丸子）合唱添！