最近參與古裝新劇《宮心計》，今次扮演一個奸角小人，專做挑撥離間兼損人利己的事。故事講及我同佘詩曼、楊怡、梁麗瑩自小入皇宮做學婢，不過我就經常欺負佘詩曼同楊怡。
首次演奸角的我，有這個新嘗試覺得好好玩，一向好多人都認為我個樣比較可愛，較適合扮演少女角色，好難令人幻想我會做奸角。為了有好效果，今次我在對白方面想了很多，究竟用甚麼說話表達方式會容易令人感受到這個奸角小人有幾奸。好開心可以同佘詩曼、楊怡合作，從而可以偷師學到不少演戲技巧，亦好多謝監製梅小青給這個難得機會，令我初嘗演奸角滋味。


我同佘詩曼、楊怡、梁麗瑩自小入皇宮做學婢。

 

古裝新劇《宮心計》係我入行以來首套古裝劇。

 

睇o下楊怡條頸做咩？

 

陳豪幾得戚！o係度左擁右抱。

劇中仲有好多前輩級人馬例如謝雪心、韓馬利、惠英紅參與演出。

 

《宮心計》劇內服裝好華麗。